Yobu 32:21 - Baibuli Ekibono kya Katonda 2014

²¹ Tiidha kwekubira ku luuyi lw'ono oba olw'ole. Tiidha kubaaku ye nsuutiriza.

Yobu 32:21 ပူးပေါင်းရင်းမြစ်များ

2 Samueli 14:17

Era nze omwiru wo omukazi, naakoba mule nti, ‘Ekibono musengwa wange kyabazinga ky'anankoba, kiidha kundeetera okuguma omwoyo’ kuba iwe musengwa wange kyabazinga oli nga malaika wa Katonda, okwawula ekirungi n'ekibi. Musengwa Katonda wo abenga n'iwe.”

2 Samueli 14:20

Omugheereza wo Yoabu yakoze atyo olw'okwenda okukyusaamu mu ebyo ebirigho mpegaano. Aye iwe Isebantu kyabazinga oli n'amagezi ng'oti ga malaika wa Katonda, okumanha ebintu byonabyona ebiri ku nsi.”

Yobu 13:10

Katonda oyo taalobe kubabonereza, ni bwe munaagisa okusaliriza kwaimwe.

Yobu 13:8

Mutyo bwe munaasaliriza nga mwekubiire ku luuyi lwe, olwo muwoze omusango gwe asinge?

Yobu 32:20

Ndi n'okwogera nsobole okugheera. Nteekwa okubaaku kye nkoba.

Yobu 32:22

Kuba tiidhi kusuutiriza, era Omutonzi wange asobola n'okuntoolagho amangu bwe nkola ntyo.”

Yobu 33:3

Ebibono byange byoleka nga ndi mwesimbu, era nga ndhogera mazima.

Yobu 34:19

Katonda tiyeekubira ku luuyi lwa bafuzi, abisa bulala abakombe n'abaavu; kuba boonaboona bitonde bye.

Zabbuli 82:2

“Mulituusa gha okusalirizanga emisango, n'okwekubiranga ku luuyi olw'abakozi b'ebibi?

Ensambo 24:23

Dhino dhoona ndhogera dha ba magezi: Kiba kibi omuntu okusaliriza ng'ali kusala emisango.

Ensambo 28:23

Ole anenia omuntu, amala yaasiimibwa omuntu oyo, okusinga ole amusuutasuuta.

Abalevi 19:15

“Musalenga emisango mu butuufu. Muteekubiranga ku luuyi lwa mwavu, era mutatiisanga mukombe maiso.

Malaki 2:9

Kale zeena kyenviire ni mbaleetera okufuuka abanhoomebwa era abatakaalimu kanhagansi mu bantu boonaboona, kuba timukola bye mbalagira, era muboola mu bantu bange nga muli kubeegeresa.”

Matayo 22:16

Baamutumira abeegeresebwa baibwe, ni baine ba Herode, baakoba bati: “Mwegeresa twidhi oli wa mazima era oyegeresa mu mazima engira ya Katonda, ozira ye weeguya, kuba tojiira ku mboneka ya bantu.

Amateeka Agokubiri 1:17

Mutasalirizanga mu nsala yaimwe, muwulirisenga ensonga edh'abaavu n'edh'abakombe mu nsambo n'endala. Mutabangaku muntu yeenayeena ye mutiisa maiso, kuba emisango mugisala mu buyinza bwa Katonda. Era ensonga enaabanga ebalemye, mugireetenga ye ndi ngiwulire.’”

Amateeka Agokubiri 16:19

Batasalirizanga, waire okwekubiranga, oba okulyanga enguzi, kuba enguzi etulughaza amaiso g'omugezi gaava ku kituufu, era ereetera omuntu okufuulaniafuulania by'akoba.