Yobu 31:3 - Baibuli Ekibono kya Katonda 2014

³ Akabi tikaidhira boonooni, n'okuzikirira tikugwira babi?

Yobu 31:3 ပူးပေါင်းရင်းမြစ်များ

2 Samueli 18:10

Ghaabaagho omuntu eyabona, yaaja yaakobera Yoabu ati: “Bona eno, mboine Abusalomu ng'ali kulengeedhera mu muti omukologho!”

Yobu 18:12

Endhala emuluma y'awaamu amaani, akabi kali agho kamuteegereire.

Yobu 20:29

Ogwo n'omugabo Katonda gw'agha omwonooni, eyo n'enkomerero y'amuteeragho.”

Yobu 21:17

“Entaala ey'ababi yaali ezikiziibwaku? Akabi kaali kabatuuseeku? Era Katonda yaali ababonereizaaku mu busungu:

Yobu 21:30

Ku lunaku Katonda lw'asungughala n'abonereza, omubi buliidho n'awonagho.

Yobu 31:23

Nali tisobola kukola bintu biri ng'oti n'ebyo, olw'okutya Katonda okumbonereza.”

Yobu 34:22

Ghazira kinsense waire nzikiiza egemye bedimudimu, abakola ebibi mwe baghanga okwegisa ku Katonda.

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Zabbuli 73:18

Bwenebwene iwe obata aghali obutyerezi, waabaleetera okugwa baazikirira.

Ensambo 1:27

Ebitiisa lwe biribaidhira ni bibeeyughaku ng'oti kiwunga, obuzibu obutaloodheka ni bubeezungulula ng'oti n'empewo eyeezungulula n'amaani, ni bibaleetera okulumwa n'okweinhamira,

Ensambo 10:29

Musengwa Katonda n'ekifo eky'okwewogomamu eri oyo omwesimbu, aye omubi amuzikiriza buzikirize.

Ensambo 21:15

Abantu abatuufu basangaala ng'amazima gakoleibwa, aye ababi kibaleetera kuzirika buzirike.

Isaia 28:21

Musengwa Katonda alisituka okulwana ng'oti bwe yakola ku lusozi Perazimu, era alisungughala ng'oti bwe yakola mu kiiko ky'e Gibeoni. Memale olwo yaakola omulimo gwe ogwo ogwewuunhisa ogutali gwabuliidho, era yaayoleka ebintu bye ebyo by'akola ebyewuninkiriza.

Okubala 16:30

Aye Musengwa Katonda bw'anaakolagho ekintu ekitabangaghooku, eitaka ni lyasama ni libamira beene n'ebyaibwe byonabyona, ni bawolomera mu magombe nga balamu, mwidha kumanha ng'abantu abo baanhooma Musengwa Katonda.”

Matayo 7:13

“Mwingirire mu mulyango omutono kuba omulyango omunene, n'engira enene etuuka mu kuzikirira, era abantu kamaala bagema eyo.

Ab'e Roma 9:22

N'ekyo Katonda kye yakola kifaananaku ni kino. Yayenda okwoleka obusungu bwe n'okumanhisa obukumu bwe. Kyeyava n'aguminkiriza einho abo be yasungughalira abaali bateegereire okuzikirira.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

2 Ab'e Thessalonika 1:9

Ekibonerezo kye balifuna kya kuzikirira, na kubingibwa mu maiso ga Musengwa aghali ekitiisa kye eky'amaani.

2 Petero 2:1

Nga bwe ghaaligho abalanzi abaguya mu bantu ba Katonda, ni mu imwe mulibaamu abeegeresa abaguya. Balyeibirira, baayegeresa ebikiidhamya Obukurisito era ebireeta okuzikirira. Era balyegaana Musengwa eyabanunula, beereetera okuzikirira amangu.

Yuda 1:7

Nhenda era okubaidhusa Sodoma ni Gomorra n'ebibuga ebindi ebyali biriiraine agho, byona ebyakola ebikolwa eby'ensoni n'eby'amairu ag'abasaadha n'abakazi agatajiira ku butonde. Bino byabonerezebwa mu muliro ogutazikira, byafuuka eky'okuboneraku.

Abalamuzi 9:53

Aye omukazi yaasuula enso ey'oku lubengo ku mutwe gw'Abimeleki, yaamwawula ekighanga.