Yobu 31:14 - Baibuli Ekibono kya Katonda 2014

¹⁴ kale ndikola ntya, Katonda bw'alisituka okunsalira omusango? Ndimwiramu ki bw'aliidha okumbuuza?

Yobu 31:14 ပူးပေါင်းရင်းမြစ်များ

Yobu 10:2

Ndidha kukoba Katonda nti otansalira bwa musango kunsinga, aye mmanhisa ky'onvunaana.

Yobu 31:13

“Bwemba nga naloba okuwulirisa omwiru wange k'abe omusaadha oba omukazi ng'aneemuluguunhiiza,

Yobu 31:15

Eyatonda nze mu nda ya maama, era ti n'eyatonda n'omwiru oyo? Ti n'omulala oyo eyatuwumba mu nda twembi?

Yobu 9:32

Kuba ngoli Katonda abaire muntu buntu nga nze, nandimwizeemu, naawoza naye.

Zabbuli 143:2

Nze omugheereza wo otandhiza mu bya kwewozaaku, kuba ezira muntu mulamu azira musango mu maiso go.

Zabbuli 44:21

Katonda waife oyo yandirobye okumanha, ate nga aidhi n'ebyama ebiri mu myoyo gyaife?

Zabbuli 7:6

Wo Musengwa Katonda, idha obakambughalire. Situka Katonda wange tala, olwanise ekiruyi ky'abazigu bange, kuba iwe toyenda kusaliriza.

Zabbuli 76:9

iwe ng'ositwike okukoba kye wasalagho, okulokola abo boonaboona abadaazibwadaazibwa abali ku nsi.

Zabbuli 9:12

Musengwa Katonda afaayo inho ku abo abadaazibwadaazibwa, era tasiriikirira kulira kwaibwe. Yeesasuuza olw'omusaayi gwaibwe ng'abonereza abo ababaita.

Zabbuli 9:19

Wo Musengwa Katonda, idha! Otaganha bantu kukunhooma! Abatatya Katonda boonaboona baleete gh'oli, obasalire omusango.

Isaia 10:3

Mulikola mutya ku lunaku Musengwa Katonda lw'alibabonerezaaku, n'abatuusaaku akabi akaliva mu nsi ey'eghala? Mulirumukira y'ani okubayamba? Era mulikweka gha obukombe bwaimwe?

Hosea 9:7

Ekiseera eky'okubonerezebwa kituuse, ekiseera ekya buli muntu okufuna ekimusaana. Mulikoba muti: “Omulanzi ono musiru,” era muti: “Omuntu ono aliku omwoyo gwa Katonda, mulalu.” Mukoba mutyo, kuba ebibi byaimwe bingi inho, n'obukyayi bwe muli nabwo bubitirivu.

Abalevi 25:43

Muisiraeli mwino otamufugisanga bukambwe, aye otyanga Katonda wo.

Mika 7:4

N'omuntu oyo atwalibwa okuba nga n'abasingamu obulungi n'obwesigwa, yeena muzira makulu ng'oti n'eisubi erizira muganhulo. Aye ekiseera kituuse Katonda ababonereze, nga bwe yabalabula ng'abita mu balanzi, abantu baibwe, ababalengeza ku bija okubaagho. Buti basobeirwa!

Zekaria 2:13

Abantu mwenamwena musiriikirire mu maiso ga Musengwa Katonda, kuba asitwike alikwidha ng'aviira mu kifo kye ekitukuvu mw'aba.

Mariko 7:2

Baabona ng'Abeegeresebwa be abandi balya n'engalo embi, nga tibanaabye.

Ab'e Roma 3:19

Twidhi nga buli kyonakyona ekiri mu Mateeka kigema ku abo abafugibwa Amateeka, ghalobe kubaagho eyeewolereza, era abantu ab'omu nsi boonaboona Katonda abasalire omusango.

Yakobo 2:13

Mu kusala omusango Katonda taja kusaasira muntu oyo atasaasira ate okusaasira n'okusinga mu kusala emisango.