Yobu 30:29 - Baibuli Ekibono kya Katonda 2014

²⁹ Nafuuka muganda wa bibe, nsama busame oti byene; era naafuuka mukagwa wa maaya, nkyolya bukyolye.

Yobu 30:29 ပူးပေါင်းရင်းမြစ်များ

Yobu 17:14

Ndhete amagombe lata, n'enhengere ndheete maama era ndheete baanhinaze.

Zabbuli 102:6

Ndi ng'oti nhonhi ya mu irungu, era nfuuse ng'oti kiwigulu eky'omu mayumba agaavaamu abantu.

Zabbuli 102:7

Ni bwenambaala titenduka. Ndi ng'oti n'enhonhi eri yonka edaagira ku kasolya k'enhumba.

Zabbuli 44:19

Aye otutenteine era waatuleka mu nsolo edh'omu nsiko, mu nzikiiza eri bedimudimu.

Isaia 34:13

Endhu dhaayo dirimeramu amawa, n'ebifo byayo eby'okwewogomamu byameramu ensiko n'enkandwa. Era biribangamu bwa bibe na biwigulu.

Isaia 38:14

Nabanga agho nga nsinda ng'oti nhonhi. Amaiso ganduyirira olw'okulingiriranga eigulu. Wo Musengwa Katonda, idha omponie obuzibu bwe ndimu.

Mika 1:8

Agho Mika yaakoba ati: “Ebyo n'ebindiza amaziga naagegenga. Era ndidha kutambulanga madu nga tivaire na ngaito, okwoleka nga bwendi mu bughafu. Ndidha kukubanga oluwungu ng'oti kibe, era ndidha kujanga nga ndira ng'oti maaya.

Malaki 1:3

Aye nze ngonza Yakobo, ate naakyagha Esau. Era ekiketezo kya Esau eky'oku nsozi nakifuula bifulukwa byereere, ensi eyo eyiye naagirekera bwa bibe bya mu irungu.”