Yobu 3:23 - Baibuli Ekibono kya Katonda 2014

²³ Lwaki Katonda agha abantu obulamu ng'ate ebiseera byaibwe eby'omu maiso bikwekeibwa, era lwaki abataaku olukomera?

Yobu 3:23 ပူးပေါင်းရင်းမြစ်များ

Yobu 12:14

Katonda ekintu ky'amenhie ghazira asobola kukizimba buyaaka; Katonda omuntu y'asibiire mu ikomera ghazira asobola kumusibula.

Yobu 13:27

Osiba ebigere byange n'endhegere, waalingirira buli kigere kye nsitula, era buli ghe nniina waalambagho.

Yobu 19:12

Amagye ge gaidhira ghalala nga gategeka okuunumba, gaabwama okuzingiza weema yange.”

Yobu 19:6

Aye mugwaine mukimanhe muti Katonda n'antuusisaaku ekyo, ng'anzingiza n'olutuula okungemya.”

Yobu 19:8

Katonda asembye engira yange, nzira bwe mbitagho; ansibiire mu nzikiiza, tikaabona ye nja.

Yobu 3:22

Basangaala inho era baasagamba, bwe bafa ni bateebwa mu magombe.

Zabbuli 31:8

Toganhie bazigu bange kuntuukaku, era ompaire eidembe neetaaya.

Zabbuli 88:8

Ondeeteire ab'emikwano okuneesamba; wanfuula ekintu ekyenhinhalwa ye bali. Nsibiirwa aghantu ghe ntasobola waire okweiba.

Zabbuli 88:9

Amaiso gali kuunafugha olw'enaku. Buli kaakyeire nkweta iwe Musengwa Katonda, naasitulira emikono y'oli nga nkusaba.

Isaia 40:27

Kale imwe baidhukulu ba Yakobo, nkoba imwe Abaisiraeli, lwaki mwemuluguunhia muti Musengwa Katonda tabalumirwa, era muti bwe munhigirizibwa, Katonda waimwe oyo tabafaaku naire?

Okulira 3:7

Yanzimbaku ekimante okuneezunguluza nga tighanga kumunuuka kulumuka, era yansibaku endhegere enzito.

Okulira 3:9

Buli ghe nhenda okubita azimbagho ekimante eky'amabaale amabaadhe amanene, era aleetera engira dhe mbitamu okuba enzibu.

Hosea 2:6

Kale ni ndidha kumukolera olukomera olw'amawa okumwezunguluza, era nzimbe ekimante okumwezunguluza abulwe gh'abita.