Yobu 3:17 - Baibuli Ekibono kya Katonda 2014

¹⁷ Eyo mu magombe, ababi balekera agho okutigomya abantu, era eyo, abaweekereiremu amaani ye bawuumulira.

Yobu 3:17 ပူးပေါင်းရင်းမြစ်များ

Yobu 14:13

Nguli ongisiisa e magombe n'onkuumira eyo, okutuusa obusungu bwo lwe buliwaagho. Era n'ongerera ekiseera n'omala n'ondidhukira.

Yobu 17:16

Ndiikirira n'eisuubi eryo e magombe? Tulija nalyo tutyo eyo mu itaka?”

Yobu 3:16

Nandibaire nga ntooleibwagho ng'oti n'ekintu ekiviire mu nda eviiremu obuve, oba naaziikibwa ng'oti n'omwana azaalibwa nga mufu, atabona ku ndhuba naire.

Yobu 3:18

Eyo abasibe bafuna obugheereso, baawona okudhuukibwa abo ababasalira amakatala.

Omulangirizi 4:2

Ekyo kyandeetera okulowooza nti abaafa eira beesiimye okusinga abo abakaali abalamu.

Omulangirizi 9:6

Baba tibakaali na kugonza, oba okukyagha, waire okwegomba byonabyona biba byawaagho ira, era nga tibakaasobola kukola kintu kyonakyona ekikolebwa ku nsi.

Matayo 10:28

Mutatyanga abo abaita omubiri aye nga tibaghanga kwita mwoyo, aye mutye oyo aghanga okuzikiriza omwoyo n'omubiri mu geyeena.

Luka 12:4

“Bakagwa, ka mbakobere: Mutatyanga abo abaita omubiri, ate ebyo oluwa baaba nga ghazira kyonakyona kye baghanga kukola.

Abaheburayi 4:11

Agho ni tufaabiikane okutuuka ku kuwuumula okwo, ghalobe kubaagho agwa olw'obutaikiriza nga bale.

Abaheburayi 4:9

Kale ni abantu ba Katonda bakaaliyo n'okuwuumula ng'okwa Katonda okw'olunaku olwomusanvu.

2 Petero 2:8

Omusaadha oyo, bye yabonanga ni bye yawuliranga buli kaakyeire ng'ali mu bantu abo, nga bimugemya enaku.

Okwolekebwa 14:13

Naawulira amamiro agava mu igulu nga gakoba gati: Ghandiika oti: “Okuva ni buti ba nkabi abafu abafiira mu Musengwa! Mwoyo akoba ati: Bwenebwene ba nkabi! Okuva ni buti bawuumwire mu kutakabana kwaibwe, kuba ebikolwa byaibwe bibanonereza.”

1 Samueli 28:19

Era Musengwa Katonda aidha kukughaayo iwe ni Isiraeli yoonayoona, mu ngalo dh'Abafilisiti.”