Yobu 3:16 - Baibuli Ekibono kya Katonda 2014

¹⁶ Nandibaire nga ntooleibwagho ng'oti n'ekintu ekiviire mu nda eviiremu obuve, oba naaziikibwa ng'oti n'omwana azaalibwa nga mufu, atabona ku ndhuba naire.

Yobu 3:16 ပူးပေါင်းရင်းမြစ်များ

Yobu 10:19

Olwandiviire mu nda nti, nga banziikiragho, naaba ng'atabangaghooku.

Yobu 3:15

Nanditendwike ghalala n'abalangira abaidhuzanga endhu dhaibwe zaabu ni feeza.

Yobu 3:17

Eyo mu magombe, ababi balekera agho okutigomya abantu, era eyo, abaweekereiremu amaani ye bawuumulira.

Zabbuli 58:8

Ka babe ng'oti ikovu erisaanuukira mu lugezi lwalyo ni liwaagho. Oba babe ng'oti n'enda evaamu, ekintu ekivaamu ni kitabona ku ndhuba.

Zabbuli 58:9

Katonda agwana yaabasaaniagho amangu geene, nga n'entamu ekaali kuwulira muliro gwa mawa, ka gabe amabisi oba agali kwaka.

Omulangirizi 4:3

Aye abo abakaali kuzaalibwa n'abeesiimye einho, okusinga abo abakaali abalamu ni bale abaafa kuba bakaali kubona bikolwa bibi ebikolebwa mu nsi.

Omulangirizi 6:3

Omuntu asobola okuzaala abaana ekikumi, era yaaghangaala emyaka kamaala. Aye ni bw'aghangaala einho, bw'aba nga tafunie isanhu mu bulamu bwe era nga taziikiibwa bukalamu, nze nkoba nti omwana azaalibwa nga mufu asinga omuntu oyo;

1 Ab'e Korintho 15:8

Bwe yamala okubonekera boonaboona, olwo yaabonekera ninze, nga ndi oti n'omwana azaalibwa ng'akaabulaku;