Yobu 28:16 - Baibuli Ekibono kya Katonda 2014

¹⁶ Zaabu omulungi ow'e Ofiri tayagayaga nago mughendo, waire amabaale ag'omughendo ageetebwa onikisi ni saffiro.

Yobu 28:16 ပူးပေါင်းရင်းမြစ်များ

1 Ebyomubyanda 29:4

Mpaireyo talanta enkumi isatu (3,000) edha zaabu omukenenule ow'e Ofiri, naaghaayo ni talanta kasanvu (7,000) edha feeza nga yeena mukenenule, ow'okulimbya ku bimante by'eisinzizo,

Yobu 28:15

Toghaayo zaabu n'ogafuna era topima feeza n'ogagula.

Yobu 28:17

Zaabu n'ekirawuli tibisobola kwaga nago mughendo, waire ebyamadholobera ebyakolebwa mu zaabu omukenenule.

Zabbuli 45:9

Abandi ku bakazi ab'ebitiisa abali mu luya lwo, baana ba bakyabazinga, ku luuyi lw'omukono gwo omusaadha n'aghali inhebantu, ng'avaire ebya zaabu ole mwene ava mu Ofiri.

Okuvaayo 28:20

Olwo akokuna kabeeku ageetebwa berulo, onikisi, ni yasipera. Amabaale ago gali n'okubaaku omugo gwa zaabu,

Olwembo 5:14

Amakono ge gaakolebwa bulungi ng'oti mpeta dha zaabu, edhaateebwaku amabaale ag'omughendo. Omubiri gwe mulungi ng'oti isanka lye baalimbyaku amabaale ag'omughendo ageetebwa saffiro.

Isaia 13:12

Abo abaliwonagho ndibafuula ba mughendo okusinga zaabu omukenenule; bwenebwene baliba ba ibula okusinga ni zaabu omulungi ow'e Ofiri.

Isaia 54:11

Musengwa Katonda akoba ati: “Iwe ekibuga Yerusalemu odaazibwadaazibwa era oyuuzibwayuuzibwa kiwunga, ghaaloba kubaagho akugumyaku naire. Aye bona eno, ndikuzimbisa amabaale ag'okudholigadholiga, emisingi gyo naagizimbisa amabaale ag'omughendo ageetebwa saffiro.

Okulira 4:7

Abakungu ab'omu Yerusalemu baali nga batukula okusinga amabaale ag'omugozi era nga beeru okusinga amata; emibiri gyaibwe nga gya maani era nga ginherengeta okusinga eibaale ery'omughendo eryetebwa korali, era nga baboneka bulungi inho ng'oti n'eibaale ery'omughendo eryetebwa saffiro.

Ezekieli 28:13

Wabanga mu Edeni, enimiro ya Katonda. Ng'ovaala eby'okwewoomya ebyakolebwa mu mabaale ag'omughendo: sarudio, topazi, yasipera, kurisolito, berulo, onikisi, saffiro, karabunkule ni emeraludo. Era ng'oba n'ebyamadholobera ebya zaabu. Ebyo byonabyona byakolebwa ku lunaku lwe watonderwaku.