Yobu 28:13 - Baibuli Ekibono kya Katonda 2014

¹³ Tigaagaanibwa mu nsi ya balamu, ghazira aidhi mughendo gugalimu.

Yobu 28:13 ပူးပေါင်းရင်းမြစ်များ

Yobu 28:14

Entobo y'enhandha ekoba eti, ‘Tigali mu nze.’ N'enhandha yaakoba eti, ‘Tigali ghe ndi.’

Zabbuli 119:72

Amateeka ge watugha ga mughendo ye ndi okusinga emungo ya feeza ni zaabu.

Zabbuli 19:10

Okusala omusango okwa Musengwa Katonda kwegombebwa okusinga zaabu, waire zaabu ole omukenenule; kudhuudhuula okusinga omudheenene, waire gule ogutoonha obutoonhe okuva mu bisasala.

Zabbuli 27:13

Aye nze nkakasa bukalamu nti ndibona nga Musengwa Katonda bw'ali omulungi: nga nkaali ku nsi mu bulamu buno.

Zabbuli 52:5

Aye Katonda aidha kukuzikiriza ebyanda n'ebyanda; aidha kukuswankula mu ndhu yo akukwekwebye; aidha kukutoola mu nsi ey'abalamu.

Ensambo 16:16

Okuba n'amagezi kuwula okuba ni zaabu, era ole okulondagho okuba omutegeevu kiwula okulondagho feeza.

Ensambo 23:23

Oghangayo empiiya waagula amazima, n'amagezi, n'okugalagirwa, n'okutegeera, aye otabitundanga naire.

Ensambo 8:11

Amagezi ga mughendo inho okuwula amabaale ag'omughendo, era mu bintu byonabyona ebyegombebwa ezira kisobola kugeefaanaanirizaaku.”

Isaia 38:11

Nali nkoba nti olwo tikairayo kubona Musengwa Katonda, mu nsi ey'abalamu, waire okwirayo okubona abantu abagibaamu.

Isaia 53:8

Baamutoolagho, baamutwala okumusalira omusango mu kusaliriza. Ghazira yalowooza ku buzaale bwe, aye yaitibwa bwitibwe yaatoolebwa mu nsi ey'abalamu. Ekyo kyamutuukaku olw'ebibi by'abantu baife.

Yeremia 11:19

Aye nali ng'oti n'entaama ento empolu ye bali kutwala okwita. Nali tiidhi nga ninze ye baali bali kutegekera okukola akabi, nga bakoba bati: “Ka tutemegho omuti nga gukaali mulamu bulungi. Ka tumwite aveegho ghalobe kubaagho amwidhukira naire.”

Ezekieli 32:24

“Ensi Elamu eri eyo, n'abaisirukale baayo boonaboona bali eyo mu magombe gaibwe okugyezunguluza. Boonaboona baitirwa mu lutalo, baika ghansi mu nsi ey'abafu nga ti bakekete. Buti bali eyo mu kuswala kwaibwe ghalala n'abo abaika eyo ghansi mu lwina. Ate nga bwe baali bakaali balamu baaleeteranga abantu okutya einho mu nsi.