Yobu 27:9 - Baibuli Ekibono kya Katonda 2014

⁹ Bw'aliba mu buzibu, Katonda aliwulira okulira kwe?

Yobu 27:9 ပူးပေါင်းရင်းမြစ်များ

Zabbuli 109:7

Muwozese omusango gumusinge, n'okwewolereza kwe kufuukemu kibi.

Zabbuli 18:41

Baalira nga benda okubabeera aye ghaabula abawonia; baalirira Musengwa Katonda aye yaaloba kubavugira.

Zabbuli 18:42

Nabasekula, naabasa ng'oti nkungu etwalibwa empewo, naabatyankirira ng'oti bityanka eby'omu nguudo.

Zabbuli 66:18

Ngoli nali n'ebibi mu mwoyo gwange, Musengwa Katonda tiyandiwuliriisa kusaba kwange.

Ensambo 1:27

Ebitiisa lwe biribaidhira ni bibeeyughaku ng'oti kiwunga, obuzibu obutaloodheka ni bubeezungulula ng'oti n'empewo eyeezungulula n'amaani, ni bibaleetera okulumwa n'okweinhamira,

Ensambo 1:28

olwo mulindheta aye naabasiriikirira, mulindhagala mu buli kankondo aye nga timulimbona.

Ensambo 28:9

Omuntu atenda kuwulira mateeka, n'okusaba kwe Katonda akwenhinhata.

Isaia 1:15

Agho ni, bwe munaayandhuluzanga emikono gyaimwe nga muneeghemba, tiidhanga kubalingaku; ni bwe munansabanga einho mutya, tiidhanga kubawulirisa; kuba engalo dhaimwe dhisaabaine musaayi.

Yeremia 11:11

Mperaano ni, nze Musengwa Katonda ndi kubalabula nti nja kubasindikira akabi ke bataidha kuwona. Ni bwebalirira nga benda nze mbayambe, tiribafaaku naire.

Yeremia 14:12

Ni bwe banaasiiba, nze tija kuwulirisa bye bansaba nga bandirira. Era ni bwe banampanga ebigheebwayo ebyokebwa n'ebigheebwayo eby'emere y'empeke, nze tiidha kubasiimanga. Aye ndidha bwa kubazikiriza mu ntalo era mbasindikire endhala n'endwaire ya kawumpuli bibaite.”

Ezekieli 8:18

Kale ni ndibakolaku n'ekiruyi ekindiku. Tirisaasiraku naire omulala ati oba okumugemerwa ekivunika. Era ni bwe balinsaba nga baleekaanira ghaigulu, tija kubawulira naire.”

Hosea 7:14

Tibansabangaku na mwoyo mulala, aye beetandigira bwa bigwo ku itaka baawowoola ng'oti n'abataidhi Katonda. Era bwebasaba engaano n'omwenge ogw'emizabbibu, beesalasala ku mubiri ng'oti n'abatatya Katonda bwe bakola. Aye nze bandheemera budheemere!

Mika 3:4

Aye ekiseera kiri kwidha, mulirire Musengwa Katonda, aye alobe kubafaaku. Mumusabe, aye alobe kubakolera kye muli kumusaba. Kuba ebikolwa byaimwe bibi.

Zekaria 7:13

era olw'okuba baaloba okuwulira bye nabakobanga, zeena naalobanga okubagha bye bansabanga.

Luka 13:25

Mwenemu bw'alimala okusituka n'asibagho olwigi, imwe mulyemerera ku luya mwatoolera okukonkona ku lwigi nga mukoba muti, ‘Musengwa, twiguliregho.’ Alibairamu ati, ‘Tibaidhi! Muva gha?’

Yoanne 9:31

Twidhi tuti Katonda tawulira bakozi ba bibi, aye awulira oyo amutaamu ekinhagansi era akola by'ayenda.

Amateeka Agokubiri 1:45

Olwo mwaira, mwalirira Musengwa Katonda ababeere. Aye Musengwa Katonda yaaloba okubawulirisa, waire okubataaku omwoyo.

Yakobo 4:3

Bwe musaba timufuna lwa kuba musobya mu kusaba kwaimwe nga mwenda okwigusa okwegomba kwaimwe kwonka.