Yobu 27:23 - Baibuli Ekibono kya Katonda 2014

²³ Eja ng'ewolomya ebintu byamuwowoiganira.”

Yobu 27:23 ပူးပေါင်းရင်းမြစ်များ

1 Bakyabazinga 9:8

Eisinzizo lino lirifuuka mmungo ya bimunku, era kiisi baliribitangaku balitengeesanga bwa mitwe beewuunhia. Era balibuuzanga bati, ‘Lwaki Musengwa Katonda yakola atyo ensi eno n'eisinzizo lino?’

Yobu 18:18

Balimutoola mu butangaavu baamubingira mu nzikiiza, ave mu nsi y'abalamu.

Yobu 20:8

Alibulagho ng'oti kirooto oba ng'oti kubonekerwa kwa mu bwire. Era taliirayo kubonekaku kabiri.

Yobu 28:1

“Bwenebwene eriyo ekirombe omusimibwa feeza, yaabaayo n'ekifo ye bakenenulira zaabu.

Yobu 34:37

Ku bibi bye ayimbiraku n'obudheemu, yaanhooma Katonda nga tubona era yaamwogeraku ebibono ebitakutuka.”

Yobu 7:10

Tairayo kuba mu maka ge kabiri, waire abo be yabanga nabo okumwidhukira.

Ensambo 11:10

Abantu ab'ekibuga basagamba ng'ebintu biri kujiira abatuufu bukalamu, era bakuba emizira ng'ababi bazikiriire.

Yeremia 19:8

Ndizikiriza ekibuga kino mu nsambo etiisa einho, buli muntu yaakyesimoozanga bwesimooze. Era buli muntu anaabitangagho ensisi eidha kumugemanga olw'okuzikiriza okwo.

Okulira 2:15

Abantu boonaboona ababita ku kibuga ekyo, bakiziimuula era baakisekerera. Beesiimooza, baatengeesa emitwe nga bavuma ekibuga ekyo Yerusalemu, nga beebuuza bati: “Kino bwene n'ekibuga kye baayetanga ekituukiriire mu bulungi era ekyeyagazanga abantu ab'ensi yoonayoona?”

Ezekieli 25:6

Musengwa Katonda waife ayongera yaakoba ati: “Mwakuba mu ngalo, mwasambagala olw'eisanhu, mwalaga omwoyo gwaimwe omubi ogwidhwire obukyayi eri ensi Isiraeli.

Mika 6:16

Ebyo bija kuba bityo lwa kuba mwasalagho okugema empisa embi edha kyabazinga Omiri ni mutabane Ahabu n'ab'endhu y'Ahabu oyo. Era timulekerangaku kujiira ku ngeri dhaibwe, kale nja kubazikiriza era abantu boonaboona babalingengaku nga babeesiimooza era nga bwe babasekerera.”

Nahumu 3:19

Ghazira kighanga kukutoolaku bulumi bw'otuuseeku, n'ebibwa bye bakufumiite tibisobola kuwona. Abo boonaboona abawulira ku kuzikirizibwa kwo, bakuba mu ngalo olw'eisanhu. Kuba mpaagho y'otaatuusaaku bikolwa byo eby'obukambwe.

Zefania 2:15

Ebyo n'ebija okutuuka ku kibuga ekyali kyeidhi nga n'ekirigho kyonka, era nga kirowooza kiti ezira kibuga kindi kyaga nakyo bukologho. Aye kija kuzikirira kifuuke ekifo ensolo edh'omu nsiko ghe dhisula. Buli muntu anaakibitangaku, aneesimoozanga era yaata omukono mu nkoto yeinhamira.

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”