Yobu 27:2 - Baibuli Ekibono kya Katonda 2014

² “Katonda tambisiisa mu butuufu, era oyo Aghanga Ebintu Byonabyona andeeteire enaku ku mwoyo. Aye era ndi kumulayirira nti:

Yobu 27:2 ပူးပေါင်းရင်းမြစ်များ

2 Samueli 2:27

Agho Yoabu yaakoba ati: “Ndayira Katonda omulamu, nti ngoli toyogeire, abasaadha bange tibandirekeire kubabingirira n'okutuusa enkyo.”

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 18:15

Eliya yaakoba ati: “Ndayira mu Musengwa Katonda omulamu Afuga Amagye, ye mpeereza, nti bwenebwene ndidha kweyolekera kyabazinga olwaleero.”

2 Bakyabazinga 4:27

Aye bwe yatuuka ku lusozi omuntu wa Katonda ghe yali, yaamugemerera ebigere. Gehazi yaaseeta okumughaluzaagho, aye omuntu wa Katonda yaakoba ati: “Muleke, kuba ali n'enaku nnene ku mwoyo. Ate Musengwa Katonda ekyo akingisiisa yaaloba kunkobera.”

Yobu 10:3

Kirungi ki ky'ofuna mu kukayukira n'okunhooma ebintu mwene bye wakola n'engalo dho, ate n'osanhukira entegeka edh'ababi?

Yobu 16:11

Katonda ampaireyo y'ababi, yansuula mu ngalo dh'aboonooni.

Yobu 19:6

Aye mugwaine mukimanhe muti Katonda n'antuusisaaku ekyo, ng'anzingiza n'olutuula okungemya.”

Yobu 23:16

Katonda ammazeemu omwoyo; oyo Aghanga Ebintu Byonabyona andhugumiiza.

Yobu 34:5

“Kuba Yobu akobye ati, ‘Nziraku musango, aye Katonda tambisiisa mu butuufu.

Yobu 35:2

“Yobu, iwe okibona nga kituufu okukoba oti oziraku musango mu maiso ga Katonda?

Yobu 40:8

Onaatuuka n'okuntwala okuba ng'asaliriza? Onaasalira nze omusango okunsinga, iwe oyetebwe omutuufu?

Yobu 9:17

Ankubisa kiwunga yantentena, yandhidhuza ebinuubule ku mubiri aghazira nsonga.

Yobu 9:18

Tanganha kugheeraku naire, aye anhongera bwa nnaku.

Isaia 40:27

Kale imwe baidhukulu ba Yakobo, nkoba imwe Abaisiraeli, lwaki mwemuluguunhia muti Musengwa Katonda tabalumirwa, era muti bwe munhigirizibwa, Katonda waimwe oyo tabafaaku naire?

Yeremia 12:16

Ate bwebalyega empisa dh'abantu bange n'omwoyo omulala, ni balayiranga mu liina lyange bati, ‘Nga Musengwa Katonda bw'ali omulamu,’ nga bwe baayegeresa abantu bange okulayiranga omusambwa Baali, olwo boona baliba bantu bange, n'ebintu biribajiiranga bukalamu.

Yeremia 4:2

era ni muba abatuufu nga mulayira mu mazima era nga muli beesimbu, muti, ‘Nga Musengwa Katonda bw'ali omulamu.’ Olwo amaghanga gaidha kunsabanga ngaghe enkabi, era gampenga ekitiibwa.”

Yeremia 5:2

Waire nga mulayira muti, “Nga Musengwa Katonda bw'ali omulamu,” aye era bye mulayira bya buguya.

Ezekieli 33:11

Bakobe oti nze Musengwa Katonda nga bwendi omulamu, tinhumirwa kubona mwonooni ng'afiire. Aye nhenda akyuke aleke ebibi bye, abe mulamu. Imwe abantu b'eighanga Isiraeli, mukyuke. Mukyuke muve mu mpisa dhaimwe embi. Lwaki mwenda okufa?

Okubala 14:21

Aye bwenebwene nga bwendi omulamu, era ng'ensi bw'eidhula ekitiisa kyange,

Ruthi 3:13

Mperaano sigala ghano obwire bukye, bwe bunaaba bukyeire twidha kumubuuza oba nga anaakulabirira. Bw'anaaba ng'anaakulabirira, kinaaba kikalamu aye bw'anaaba nga taakulabirire, nze ndayira mu liina lya Musengwa Katonda omulamu nti ndidha kukulabiriranga. Aye buti lambaala bukye.”

1 Samueli 14:39

Ndayira Musengwa Katonda omulamu alokola Isiraeli nti, ekibi ekyo ni bwe kiba nga kikoleibwa mutabane wange Yonathani, bwenebwene aidha kwitibwa.” Aye mu bantu boonaboona ghazira yamwiramu.

1 Samueli 14:45

Aye abantu baakoba Saulo bati: “Obwo bwenebwene Yonathani agwaniire okufa, ate nga aleeteire Isiraeli obughanguzi obwaga agho? Busa naire! Nga Musengwa Katonda bw'ali omulamu, tighaidha kuba luviiri naire olulala luti olunaava ku mutwe gwe ni lugwa ku itaka kuba akoleire ghalala ni Katonda olwaleero.” Kale, abantu batyo baawonia Yonathani yaaloba kwitibwa.

1 Samueli 20:21

Kale bwe nnaatuma omwisuka nga mmukoba nti, ‘Ja onoonie obulaso obwo’, era ni mmukoba nti, ‘Bona, obulaso buli ku luuyi lwo luno eno’, ng'olwo ovaayo. Ndayira mu Musengwa Katonda omulamu nti ghaidha kuba nga ghazira kabi koonakoona.

1 Samueli 25:26

Agho ni, musengwa wange, Musengwa Katonda n'akulobeire okwiza omusango ogw'okwita n'ogw'okwesasuuliza ku bazigu bo. Kale ni nga Musengwa Katonda bw'ali omulamu era nga weena bw'oli omulamu, abazigu bo n'abo abenda okukukolaku akabi, ka babonerezebwe ng'oti ni Nabali.

1 Samueli 25:34

Nga Musengwa Katonda wa Isiraeli bw'ali omulamu, oyo andobeire okukukolaku akabi, bwenebwene ngoli toyangwighe n'oidha ye ndi, bwandijiire okukya nga ku bantu ba Nabali, tighakaaligho waire omulala ati ayetebwa omusaadha, akaali omulamu.”