Yobu 27:18 - Baibuli Ekibono kya Katonda 2014

¹⁸ Endhu omubi y'azimba eba ng'oti kisu kya nhonhi, oba ng'oti n'entindi ey'omukuumi w'enimiro eba ey'akaseera obuseera.

Yobu 27:18 ပူးပေါင်းရင်းမြစ်များ

Yobu 18:14

Bamughalwiza mu ndhu ye y'abaire nga yeesiga, baamughaluudhania okumutwala ye Kyabazinga afuga okufa.

Isaia 1:8

Ekibuga Sioni kisigaire agho kityo ng'oti n'ekibuga kye bazingiiza, kiri ng'oti n'entindi eyeewolookereire mu isamba ly'emizabbibu, era ng'oti n'ekigangu kye bakuumiramu enimiro y'amaliibwa.

Isaia 38:12

Obulamu bwange bwantoolebwaku era bwaja nga buweekereragho, ng'oti ni weema ey'omwayi ye basimbwiregho; era ng'oti n'ekighero kye basaze ku lugoye. Omusana gwonagwona n'obwire bwonabwona naalowoozanga nti Katonda aja kumalagho obulamu bwange.

Isaia 51:8

kuba baliwaagho ng'oti n'ekivaalo ekiriiriibwa ensiriri oba enseete. Aye obulokozi bwange bwe ndeeta bwidha kubangagho byanda na byanda, mbawonienga aghazira kulekera.”

Okulira 2:6

Yamenhagho eisinzizo lye ng'ole bw'amenhagho entindi eba ng'eri mu musiri, endhu eyo abantu mwe baajanga olw'embaga edh'ebibinuko ebyalagirwa, yaagizikiriza yafuuka bifulukwa byereere. Musengwa yalekeza agho ebibinuko ebyalagirwa, yaalekeza ni Sabbato. Era olw'obusungu obungi, kyabazinga ni bakabona takaabaliku naire.