Yobu 26:11 - Baibuli Ekibono kya Katonda 2014

¹¹ Empagi dh'eigulu dhitengera era dhaadhugumira, Katonda bw'atiisaamu obutiise okudhisaaniagho.

Yobu 26:11 ပူးပေါင်းရင်းမြစ်များ

2 Samueli 22:8

Olwo ensi yaayuuga, yeesunda, emisingi egy'eigulu gyatengeeta era gyadhugumira; kuba agho Musengwa Katonda yali asungughaire.

Yobu 15:15

Ate oba Katonda tiyeesiga waire bamalaika be! Era nga n'eigulu ti irongoofu mu maiso ge!

Yobu 26:10

Yataagho olukoloboze okwezunguluza enhandha, okwawula obutangaavu ku nzikiiza.

Yobu 26:12

Olw'obuyinza bwe yaghangula enhanda; olw'amagezi ge yaazikiriza Rahabu ogusota gwamu.

Zabbuli 18:7

Olwo ensi yaayuuga yeesunda, emisingi egy'ensozi gyatengeeta era gyadhugumira; kuba agho Musengwa Katonda yali asungughaire.

Nahumu 1:5

Musengwa Katonda gh'aba, musisi atengeesa ensozi enene, obusozi obutono bwasaanuuka, ensi yoonayoona yeesunda, n'abantu baamu boonaboona baadhugumira.

Nahumu 1:6

Bw'asungughala ghazira abaagho nga mulamu, era ghazira aghanga kugumira busungu bwe obuli ng'oti muliro. Obusungu bwe obwo bwe butumbuka, ni bwe luba olubaale lumenhekamenheka, lwesa ng'oti nkungu.

Haggai 2:21

Yaamukoba aje ye Zerubbabeli omufuzi wa Buyudaaya, amukobe ati: “Nze Musengwa Katonda ndi kumpi okutengeesa eigulu n'ensi,

2 Petero 3:10

Aye olunaku lwa Musengwa luliidha ng'oti mwibi, era olwo eigulu liriwaagho nga liduma inho. Eby'oku igulu birisaanuuka n'omuliro, era ensi n'ebigiriku byonabyona biriya omuliro byasiriira.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.

1 Samueli 2:8

Abbeeda abaavu yaabatoola mu nkungu, yaasitula abali mu bwetaavu yaabatoola mu ivu, yaabatyamya ghalala n'abakungu, yaabata mu bifo eby'ebitiibwa; kuba empango edh'ensi dha Musengwa Katonda, era ku mpango edho kwe yata ensi.