Yobu 26:10 - Baibuli Ekibono kya Katonda 2014

¹⁰ Yataagho olukoloboze okwezunguluza enhandha, okwawula obutangaavu ku nzikiiza.

Yobu 26:10 ပူးပေါင်းရင်းမြစ်များ

Amainhama 8:22

Ensi ng'ekaaligho: okusiga n'okukungula, obwinhogovu n'olwota, ebiseera eby'endoboozi n'eby'ekiinhogogo, omusana n'obwire, ebyo byonabyona tibija kuwaagho.”

Yobu 26:11

Empagi dh'eigulu dhitengera era dhaadhugumira, Katonda bw'atiisaamu obutiise okudhisaaniagho.

Yobu 38:1

Agho Musengwa Katonda ng'ali mu kiwunga ow'amaani, yairamu Yobu ng'akoba ati:

Yobu 38:19

Oidhi engira etuuka aghasula obutangaavu, oba ekifo enzikiiza gh'eba?

Yobu 38:20

Osobola okubitwala mu kifo kyabyo? Era otegeera engira etuuka ye bisula?

Yobu 38:24

Oidhi engira etuuka endhuba gh'eva? Oba oidhi empewo ey'e buvandhuba gh'eva okusansaanira ku nsi?

Zabbuli 33:7

Yasololeza amaadhi ag'enhandha goonagoona ghalala; amaadhi ag'oku ntobo y'enhandha yaagakuumira ghalala, ng'oti n'omuntu bw'atereka ebintu bye mu byagi.

Ensambo 8:27

Bwe yali ng'abamba eigulu naligho, era naabaagho ng'akola ensalosalo enhandha kw'ekoma.

Ensambo 8:29

Nali naye lwe yataagho ensalosalo enhandha kw'enaakomanga, amaadhi galobe kuswikangagho. Era nali naye lwe yataagho emisingi egy'ensi.

Yeremia 5:22

Lwaki timuntyaku naire nze Musengwa Katonda? Lwaki timudhugumiraku naire mu maiso gange? Ninze nataagho omusenho okuba ensalosalo enhandha kw'ekoma, ensalosalo ey'olubeerera enhandha y'etasobola kutuuma. Enhandha ni bwe yeefuukuula etya tesobola kughaguza, era amaadhi gaayo ni bwe gawolomboka okwaga gha, tigaghanga kubitagho.