Yobu 24:9 - Baibuli Ekibono kya Katonda 2014

⁹ Ghaligho abantu ababi abaswankula abaana abaziraku baiseibwe, baabatoola ku bainhaibwe, baatwala abaana abo ab'abaavu ng'omusingo gw'eibandha.

Yobu 24:9 ပူးပေါင်းရင်းမြစ်များ

2 Bakyabazinga 4:1

Agho namwandu ow'owundi ku b'ekikunsu ky'abalanzi, yaalirira Elisha ng'akoba ati: “Omugheereza wo, baze, yafa. Era oidhi omugheereza wo oyo nga bweyali atya Musengwa Katonda. Aye mpegaano omuntu eyali amubandha, aidhie okutwala abaana bange bombi abafuule abairu be.”

Nehemia 5:5

Ate nga twena tuli ba musaayi mulala ni Bayudaaya banaife abo. Abaana abaife, boona baana ng'oti n'abaibwe bwe bali. Aye ife tukaka batabane baife ni baghala baife okuba abairu. Era baghala baife abandi twabatunda ira mu bwiru. Ate nga ekyo titughanga kukyebeera, kuba enimiro dhaife, n'amasamba gaife ag'emizabbibu, biri mu buyinza bwa bantu bandi.”

Yobu 22:6

Watoola ku baganda bo emisingo mu bukyamu nga weesasula by'obabandha; waabatoolamu ebivaalo byaibwe, wabaleka madu.

Yobu 24:10

Aye abaavu babita madu nga bazira kye bavaire. Endhala ebaluma nga beetwise emere y'empeke ye bakunguliire ababi.

Yobu 24:8

Amaadhi gagwa gaababoleza mu nsozi, beegema ku lubaale olw'okubulwa ghe bageigama.

Yobu 29:12

kuba nawonianga omwavu eyandiriranga okumuyamba n'oyo eyafiirwaku ise, azira amugema ku mukono.

Yobu 6:27

Imwe musobola n'okukubira ku bamulekwa akalulu olw'okubafunamu! Era musobola n'okukola ekintu kyonakyona ku bakagwa baimwe, olw'okubafunamu amagoba!

Isaia 3:14

Musengwa Katonda aja kusalira omusango abakulembeze n'abakungu ab'abantu be, ati: “N'imwe omwamaliriragho amasamba g'emizabbibu, era endhu dhaimwe dhiidhwire bintu bye mwanhagulula ku baavu.

Amateeka Agokubiri 24:7

“Omuntu bw'anaawuuyanga Muisiraeli mwine n'amufuula omwiru we oba n'amutunda, aidha kwitibwanga bwitibwe, olwo musobole okwetoolaku ekibi ekyo.