Yobu 24:4 - Baibuli Ekibono kya Katonda 2014

⁴ Babinga abaavu babaviire mu ngira, baaghaliriza abaghafu okulumukagho n'okwegisa.

Yobu 24:4 ပူးပေါင်းရင်းမြစ်များ

Yobu 24:14

Omutemo azuuka mu nzikiiza, yaita omwavu n'omughafu, era obwire aba mwibi.

Yobu 29:12

kuba nawonianga omwavu eyandiriranga okumuyamba n'oyo eyafiirwaku ise, azira amugema ku mukono.

Yobu 29:16

Nafuuka ise w'abaavu, neekalirisanga ensonga dh'abantu be ntaidhi.

Yobu 30:25

Tyaliriranga maziga ghalala n'abali mu nnaku yaibwe? Tyalumirwanga bali mu bwetaavu?

Yobu 31:16

Naali nhimyeku abaavu bye beetaaga? Naali mmazeeku mu namwandu eisuubi?

Yobu 31:19

Bwe nabonanga omuntu ali kufa empewo olw'okubulwa ekivaalo, oba omwavu azira kye yeebwika,

Zabbuli 109:16

Kuba omuntu oyo tiyaliimu kisa naire, aye yakiriga abanaku n'abaavu n'abawoiremu emyoyo, yaabatuusa ni ku kufa.

Zabbuli 41:1

Wa nkabi oyo afaayo ku baavu, Musengwa Katonda aidha kumutoolanga mu bizibu, ng'ali mu biseera ebizibu.

Ensambo 14:31

Omuntu atuntuza omwavu aba ali kuvuma Katonda eyamutonda, aye ole agemerwa omuntu ali mu bwetaavu ekivunika aba atya Katonda.

Ensambo 22:16

Omuntu atuntuza omwavu ng'ayenda okweyongeraku obukombe, oba n'agha abakombe ebirabo, amala mwene yaayavughala.

Ensambo 28:12

Omutuufu bw'afuuka omufuzi abantu basangaala, aye omubi bw'akuzibwa abantu beegisa bwegise.

Ensambo 28:28

Omubi bw'afuuka omufuzi abantu beegisa bwegise, aye bw'atoolebwa mu bufuzi, abatuufu beeyongera obungi.

Ensambo 30:14

Abandi bakambwe inho, nga bali n'amaino ng'oti mpiima dheene, era ng'oti biso byene. Banhunhunta abaavu n'abaghafu kwenda bwa kubamaliriragho ku nsi.

Isaia 10:2

Mulemesa abanaku okusalirwa emisango mu mazima, mwalemya abaavu okukolerwa ebituufu bye bagwaniire, mwanhaga ebintu bya banamwandu, n'ebya bamulekwa mwabinhaagaana.

Ezekieli 18:12

yaakiriga abaavu n'abali mu bwetaavu, yaakola obunhazi, yaaloba kwiriza muntu eyamwewolaku musingo gwe, yaasinza ebyo ebitali nze Katonda, yaakola ebyenhinhalwa,

Ezekieli 18:18

Aye ise olw'okuba yali mukupankupania, ng'anhaga ku bantu ebyaibwe era ng'akola ebitali birungi, alifa olw'ebibi bye yakola.

Ezekieli 22:29

Abatyamye b'omu nsi eyo bakola obukupankupania, baanhaga ku bantu ebyaibwe. Banhigiriza abaavu n'abali mu bwetaavu, baakupankupania ebintu by'abasenze aghazira kusaasira naire.

Amosi 2:7

Batyankirira abaavu ng'oti n'abatyankirira enkungu, baasindika ere abaghafu babaviire mu ngira. Omulenzi n'ise baja ku mukazi mulala, mu nsambo eyo baaba nga boonoona eriina lyange eitukuvu.

Amosi 4:1

Muwulire bino imwe abakyala ababa mu Samaria, abageedhie ng'oti n'ente edh'e Bashani. Mutuntuza abaghafu era mwakamula abaavu, mwalagira baibaimwe okubasombera ebitamiiza: