Yobu 24:2 - Baibuli Ekibono kya Katonda 2014

² Ghaligho abaiba eitaka lya banaibwe, baalyetwalira, baanhaga ensolo, baadhaaya ng'edhaibwe.

Yobu 24:2 ပူးပေါင်းရင်းမြစ်များ

Yobu 1:15

abanhazi Abasabea baadhigwaku, baadhinhaga. Baita abagheereza bo boonaboona; era nze zenka ninze mponiegho okwidha okukukobera.”

Yobu 1:17

Oyo yali akaayogera, owundi yaidha yaakoba ati: “Abanhazi Abakaladea, nga beegabyemu ebikunsu bisatu, baidhie baagwa ku ngamiya, baadhinhaga. Baita abagheereza bo boonaboona; era nze zenka ninze mponiegho okwidha okukukobera.”

Yobu 20:19

olw'okuba yatuntuza abaavu yaabalekulira agho, yaanhaga endhu dh'ataazimba.

Yobu 31:38

Bwemba nga naiba bwibe ekibandha kye nnimamu, era nga kiri kulirira okwirizibwa mwene kyo,

Yobu 5:5

By'akungula biriibwa abo abali endhala, baatoolayo n'ebyo ebyakulira mu mawa; obukombe bwe bwegombebwa abo ababuguniriire.

Ensambo 22:28

Otakyusanga ensalosalo ey'eira, kugitoola badhaadha bo ghe baagita.

Ensambo 23:10

Otakyusanga mbibi ey'eira, oba okutoola eitaka lya bamulekwa

Hosea 5:10

Musengwa Katonda akoba ati: Abakulembeze b'omu Buyudaaya, bafuuse ng'oti n'abantu abakyusa embibi ni banhaga eitaka lya banaibwe. Kale ndibamaliraku ekiruyi kyange ng'oti n'ali kubabboomaku amaadhi.

Amateeka Agokubiri 19:14

Musa yaakoba Abaisiraeli ati: “Nga muli mu nsi Musengwa Katonda waimwe y'ali kubagha okutwala ebe obutaka bwaimwe, mutakyusanga mbibi dha bibandha bya baliraanwa baimwe, edhaamala eira okusimbibwa abantu abaabasookamu.”

Amateeka Agokubiri 27:17

“ ‘Omuntu yeenayeena anaakyusanga embibi edh'ekibandha kya muliraanwa we, akolimirwenga! “Olwo abantu boonaboona baliiramu bati, ‘Amiina.’