Yobu 24:12 - Baibuli Ekibono kya Katonda 2014

¹² Abantu abali kufa basinda mu kibuga, n'abafumitiibwa baalira, aye Katonda yaaloba kufaayo ku bisobyo bikolebwa.”

Yobu 24:12 ပူးပေါင်းရင်းမြစ်များ

Amainhama 4:10

Musengwa Katonda yaakoba ati: “Kiki kino ky'okoze? Omusaayi gwa muganda wo guli kundirira okuva ghansi olw'okwenda okwesasuuza.

Yobu 24:11

Baakamulira ababi abo omuzigo ogw'ebibala eby'emiti emyoliva, era baabakunhira omwenge ogw'emizabbibu, aye beene baasigala nga bali ndiwo.

Yobu 24:13

“Ghaligho abakyagha obutangaavu, nga tibakaabwenda era tibatambulira mu ngira muli butangaavu obwo.

Yobu 9:23

Akabi bwe kagwagho ni kaitiragho abantu, Katonda asekerera abantu abo abaziraku musango abagwiriirwa ekibamba ekyo.

Yobu 9:24

Yaghaayo ensi mu mikono gy'ababi bagifuge. Aghemba ku maiso g'abalamuzi balobe kusala misango mu butuufu. Oba Katonda ti n'akola ebyo, kale naani?”

Zabbuli 10:13

Lwaki abakozi ab'ebibi banhooma Katonda, ni badhuuba bati Katonda taja kubabonereza?

Zabbuli 109:22

Nze ndi mughafu era omwavu, ndi n'enaku nnene ku mwoyo.

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 50:21

Mwakola ebintu ebyo nze naasirika, mwalowooza muti zeena ndi ng'oti niimwe. Aye buti ndi kubanenia nti mukola bubi inho, era omusango ogwo nhenda ngwerule mugubone bukalamu.

Zabbuli 69:26

Kuba baja baakiriga abo b'obonereiza; baayongera obulumi ku abo b'ofumiite.

Okuvaayo 22:27

kuba ekyo kye yeebwika era n'ekikunta kye ekimusuuya. Kale aghanga atya okutenduka nga tiyeebwise? Era bw'anandiriranga ndidha kumuwuliranga, kuba nze ndi wa kivunika.

Omulangirizi 4:1

Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Isaia 52:5

Nze Musengwa Katonda kye nva ni nkoba nti, ‘Mpegaano kiki kye nnaakola, nga ndi kubona abantu bange babatwalira ku bwereere? Abo ababafuga beesuuta, era buli kaakyeire nze baanhooma.’

Yeremia 12:1

Wo Musengwa Katonda, ni bwentakana niiwe, niiwe oba omutuufu. Aye era ka nkubuuze ebigema ku kukola mu butuufu. Lwaki abakozi b'ebibi ebintu bibajiira bukalamu? Lwaki abakupankupania bali mu miraala?

Yeremia 12:2

Oja waabasimba ng'oti bisimbe baasimba emizi. Baakula baatuuka okubala ebibala. Buliidho baakwogerangaku bukalamu, waire nga bwenebwene tibakufaaku.

Malaki 2:17

Mukooya Musengwa Katonda n'ebyo bye mwogera. Aye ate mwamala mwabuuza muti: “Tumukooya tutya?” Ate nga mumukooya bwe mukoba muti: “Kiisi muntu akola kibi aba mulungi mu maiso ga Musengwa Katonda, era Musengwa Katonda amusangaalira.” Oba bwe mubuuza muti: “Katonda oyo akola ebituufu nga tasaliriza ali gha?”

Malaki 3:15

Mu kubona okwaife, abo abeetwala okuba aba ghaigulu n'abafuna enkabi. Era abakozi b'ebibi tibakoma ku bintu kubajiira bukalamu kyonka, aye ni bwe baleba Katonda ghazira kibakolebwaku naire.’ ”

2 Petero 3:15

Mukitwale ng'okuguminkiriza kwa Musengwa kuligho lwa imwe kulokolebwa. Atyo muganda waife omugonzi Paulo bwe yabaghandiikira mu magezi Katonda ge yamugha.

Abalamuzi 10:16

Kale baasuula ere bakatonda b'abamaghanga agandi, baasinza Musengwa Katonda. Musengwa Katonda oyo yaawulira enaku ku mwoyo olw'okudaazibwadaazibwa kwa Isiraeli.