Yobu 23:13 - Baibuli Ekibono kya Katonda 2014

¹³ “Aye Katonda takyuka era ghazira asobola kumukyusa, oba okumutakania alobe kukola ky'ayenda.

Yobu 23:13 ပူးပေါင်းရင်းမြစ်များ

Yobu 10:13

Aye ghaligho bino bye wagisa nga bya kyama. Ndidhi nga wabitegeka bintuukeku.

Yobu 10:7

Ate nga oidhi nga nze nziraku musango, era nga ghazira asobola kumponia n'antoola mu ngalo dho.”

Yobu 11:10

Katonda bw'aidha n'asiba abantu mu ikomera, n'abeeta okubasalira omusango, naani asobola okumulobera?

Yobu 12:14

Katonda ekintu ky'amenhie ghazira asobola kukizimba buyaaka; Katonda omuntu y'asibiire mu ikomera ghazira asobola kumusibula.

Yobu 23:12

Nkola by'andagira; naajiira ku by'ayenda, se ti ebyo nze bye neegomba.”

Yobu 23:14

Aidha kutuukiriza ekyo ky'antegekeire, era ali n'ebindi kamaala ebiri ng'oti n'ekyo by'ategeike.

Yobu 34:29

Katonda bw'asalagho obutabaaku ky'akolagho, naani asobola okumusalira omusango okumusinga? Bw'agisa amaiso ge, naani asobola okumubona, k'abe omuntu omulala ati oba eighanga eiramba?

Zabbuli 115:3

Ife Katonda owaife ali mu igulu era ky'ayenda ky'akola.

Zabbuli 135:6

Musengwa Katonda ky'ayenda ky'akola, ka mube mu igulu oba ku nsi, ka mube mu nhandha oba ku ntobo y'enhandha.

Ensambo 19:21

Omuntu ategeka by'anaakola mu mwoyo gwe, aye Musengwa Katonda ky'asalagho n'ekibaagho.

Omulangirizi 1:15

Ekintu eky'engode ole tasobola kukigodolola, n'ekintu ekiziragho ole tasobola kukibala.

Omulangirizi 3:14

Katonda oyo buli ky'akola kibaagho byanda na byanda, ghazira kisoboka kwongerwaku waire okutoolebwaku. Yakola atyo, abantu bamutyenga.

Isaia 46:10

Nalangirira okuviira irala mu mainhama ebyo ebyali eby'okwidha ku nkomerero; okuviira irala mu biseera eby'eira naayoleka ebyo ebyali n'okubaagho. Naakoba nti, ‘Ndituukiriza bye ntegeike, era naakola byonabyona bye nhenda.’

Isaia 46:11

Ndyeta omuntu yaidha okuva e buvandhuba. Aliidha ng'oti n'enhonhi eyiiga, yaaja yaakola kye ntegeike. Ntyo bwe nkobye era tiriroba kukituukiriza.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Ab'e Roma 9:19

Agho mwidha kunkoba muti, oba nga kiri kityo, lwaki Katonda anenia omuntu? Naani asobola okulobera Katonda ky'ayenda?

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.