Yobu 23:12 - Baibuli Ekibono kya Katonda 2014

¹² Nkola by'andagira; naajiira ku by'ayenda, se ti ebyo nze bye neegomba.”

Yobu 23:12 ပူးပေါင်းရင်းမြစ်များ

Yobu 15:11

Katonda by'akukolera okukugumya, obitwala nga bitono inho y'oli? Tukukobeire ebibono ebikalamu ku lulwe.

Yobu 22:22

Ikiriza by'akulagira, okuume ebibono bye mu mwoyo gwo.

Yobu 23:13

“Aye Katonda takyuka era ghazira asobola kumukyusa, oba okumutakania alobe kukola ky'ayenda.

Yobu 33:9

‘Nziraku musango, ghazira kikyamu kye nakola. Nziraku kye nvunaanibwa era nziraku kibi.

Yobu 6:10

Ekyo kyandindhizizaamu amaani, naasagamba, era neerabira n'obulumi obungi bwe ndimu; kuba tirobangaku Omutukuvu oyo by'alagira.

Zabbuli 119:103

By'ondhegeresa bidhuudhuula, bwene byasinga n'omudheenene ogw'endhuki!

Zabbuli 119:11

By'onkoba mbita ku mwoyo buliidho, ndobe kwonoona y'oli.

Zabbuli 119:127

Nze ngonza inho ebiragiro byo, mbigonza inho okusinga ni zaabu, zaabu ole mwene omukenenule.

Zabbuli 33:11

Aye mwene bw'ategeka ebibye bituukirira ebyanda n'ebyanda; ebidhuubo bye bisigalagho ense n'ense.

Ensambo 30:8

Mponia ebikyamu n'obuguya, era otampa kuba mwavu oba mukombe. Aye nkusaba ompenga eby'okulya bye neetaaga byonka.

Yeremia 15:16

Wo Musengwa Katonda Afuga Amagye, Iwe wayogera ninze, naawulirisa buli kibono kye wakoba. Ekyo kyaleetera omwoyo gwange okusanhuukirira; kuba nze ndi wuwo.

Luka 12:42

Musengwa yaakoba ati: “Omughanika omwesigwa era omwegendereza n'ali gha? N'oyo musengwa we y'akuumisa ab'omu maka ge n'okubaghanga emere yaibwe mu biseera ebituufu?

Luka 12:46

musengwa w'omugheereza oyo aliira ku lunaku lw'atamusuubiriraku era ku saawa y'ataidhi. Alimwegobaku yaamusindika mu badheemu.

Yoanne 4:32

Aye yaabakoba ati: “Ndi n'emere ey'okulya ye mutaidhi.”

Yoanne 4:34

Yesu yaabakoba ati: “Emere yange n'okukola ebyo eyantuma by'ayenda, n'okumala omulimo gwe yampa.

Yoanne 8:31

Yesu yaakoba Abayudaaya abaamwikiriza ati: “Bwe mukalangukira ku kibono kyange, ng'olwo muli beegeresebwa bange beenebeene.

Ebikolwa by'Abatume 14:22

Baagumya emyoyo gy'abeegeresebwa era nga babasikirira okunhweza okwikiriza, nga babakoba bati: “Tuli n'okubita mu bizibu kyodo okwingira mu Bwakyabazinga bwa Katonda.”

1 Petero 2:2

Ng'abaana abaghere bwe balirira amata amakalamu buli kiseera, mwena buliidho mwegombenga emere enkalamu ey'omwoyo. Bwe mulya emere eyo mwidha kukula era mulokolwe.

1 Yoanne 2:19

Abantu abo baava mu ife, aye tibaali baife, kuba nguli baali baife bandibaire nga bakaali n'ife. Aye baatuvaamu, kimanhikanire irala nga boonaboona ti baife.