Yobu 23:10 - Baibuli Ekibono kya Katonda 2014

¹⁰ Aye mwene aidhi engira ye ngema. Bw'alimala okundeba, alindhagaana nga ndi mutukuvu ng'oti ni zaabu omukenenule.

Yobu 23:10 ပူးပေါင်းရင်းမြစ်များ

Amainhama 18:19

Namulonda asobole okulagira abaana be n'abaidhukulu be abaliiragho, bangonderenga nga bakola ebyo ebyoleka obutuufu era eby'amazima. Memale olwo mmukolere ebyo byonabyona bye nasuubiza.”

2 Samueli 22:22

Nze njiira ku biragiro bya Musengwa Katonda, era tigwangaku mu kibi kya kudaaliima kuva ku Katonda wange.

2 Bakyabazinga 20:3

“Wo Musengwa Katonda, nkweghemba oidhukire nga bwe mbairenga omwesigwa y'oli, nga ngondera by'ondagira n'omwoyo mulala, era nga nfuba buliidho okukola by'osiima.” Hezekia oyo yaatimbuka, yaalira inho amaziga.

Yobu 10:7

Ate nga oidhi nga nze nziraku musango, era nga ghazira asobola kumponia n'antoola mu ngalo dho.”

Yobu 23:7

Eyo omuntu omwesimbu asobola okuwoza naye, era omulamuzi wange oyo yandineedheereiza omusango, byawa.”

Yobu 23:9

Era naayagala ku luuyi olw'omukono omugooda olw'e buvandhuba, ni ku lw'omukono omusaadha olw'e buvandhuba, aye era timuboine.

Yobu 31:4

Katonda tabona bwe neebisa, era tabona buli kigere kye nsitula?

Yobu 31:6

Kale Katonda ampime ku minzaani epima ekituufu, abone nga bwe nziraku musango.”

Yobu 33:9

‘Nziraku musango, ghazira kikyamu kye nakola. Nziraku kye nvunaanibwa era nziraku kibi.

Yobu 6:29

Mbeeghembye mweireku mwerowooze mulobe kunsibaku kibi. Mweireku mpegaano, mulobe kunsalira musango kunsinga, kuba ensonga dhange ntuufu.

Yobu 7:18

era n'okumwekebeedha buli nkyo, n'okumuleba buli kaseera?

Zabbuli 1:6

Katonda alabirira era yaakugira abatuufu, aye ababi balizikirira.

Zabbuli 11:5

Musengwa Katonda yeekebeedha abatuufu n'abakozi b'ebibi, era tayendera irala abo abagonza ebikolwa eby'obukambwe.

Zabbuli 17:3

Oidhi omwoyo gwange, oidha waagukyalira obwire, waaneekebeedha wankenenula, aye ghaabula ekibi ky'ondhagaanamu. Tyogera bya buguya

Zabbuli 66:10

Iwe Katonda waife, watugezesa, waatwekebeedha ng'oti ni feeza bw'alongoosebwa.

Zabbuli 7:9

Wo Katonda wange, oli mutuufu era weekebeedha emyoyo n'ebidhuubo eby'abantu. Lekeza ababi okukola obubi, oghe abo abakola obulungi okuba obukalamu.

Ensambo 17:3

Omuliro n'ogukozesebwa okukenenula feeza ni zaabu okubona obulungi bwabyo, aye Musengwa Katonda n'aleba emyoyo gy'abantu okubona obutukuvu bwagyo.

Yeremia 12:3

Wo Musengwa Katonda, aye iwe nze ondidhi bukalamu, oneekebeedha wambona nga bwe nfaanana. Kwekwebya abantu ababi abo obatoolegho, ng'oti n'omuntu bw'atwala entaama edh'okwita. Era obakuume okutuusa ng'ekiseera kyaibwe eky'okwitibwa kituuse.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Yoanne 21:17

Kabiri Yesu yaamubuuza omukuzi ogwokusatu ati: “Simoni mutabane wa Yoanne, ongonza?” Petero yaanakughala olwa Yesu okumubuuza omukuzi ogwokusatu ati: “Ongonza?” Era yaamukoba ati: “Musengwa, oidhi byonabyona, oidhi nga nkugonza.” Yesu yaamukoba ati: “Liisanga entaama dhange.

1 Ab'e Korintho 3:15

Aye omulimo gw'omuntu yeenayeena bwe gulyokebwa alifiirwa, waire mwene ng'aliwona aye era aliba oti n'atuumye mu muliro.

Amateeka Agokubiri 8:2

Era muteerabiranga nga Musengwa Katonda waimwe bweyabakulemberamu mu lugendo lwonalwona, emyaka gino amakumi ana mu irungu, ng'agendereramu okubafuula abawulize. Era yaabaleba, asobole okumanha ekiri mu myoyo gyaimwe, abone oba nga munaakuumanga ebiragiro bye.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

Abaheburayi 11:17

Okwikiriza n'okwasobozesa Aburahamu, Katonda bwe yamuleba, okughaayo Isaaka omwana we omulala ati bedengedenge abe omusengo. Aburahamu oyo, Katonda yali amaze okumusuubiza ati:

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

1 Petero 1:7

Bino birigho lwa kukakasa ng'okwikiriza kwaimwe kwa mazima. Oba nga ni zaabu ow'ekiseera obuseera ateebwa mu muliro yaakenenulwa, n'okwikiriza kwona okw'omughendo okusinga ni zaabu, kuteekwa okulebwa n'okukakasibwa. Olwo ni mwasaakibwa, mwagheebwa ekitiisa n'ekinhagansi ku lunaku Yesu Kurisito lw'alibonekeraku.