Yobu 22:9 - Baibuli Ekibono kya Katonda 2014

⁹ Banamwandu wabeebingaku nga tobaghaire kantu; waalumyanga bamulekwa ng'obanhagaku ebyaibwe.

Yobu 22:9 ပူးပေါင်းရင်းမြစ်များ

Yobu 24:21

Omwonooni abisa bubi omugumba, era ni namwandu tamukolera kalungi naire.

Yobu 24:3

Batwala endogoyi ya walekwa, baatoola ente ku namwandu ye baawola eibandha, baagisigaza ng'omusingo.

Yobu 31:21

Tikupankupaniangaku mulekwa, nga neesiga nti abalamuzi baidha kumbeera.

Yobu 6:27

Imwe musobola n'okukubira ku bamulekwa akalulu olw'okubafunamu! Era musobola n'okukola ekintu kyonakyona ku bakagwa baimwe, olw'okubafunamu amagoba!

Zabbuli 10:15

Toolagho amaani g'omukozi w'ebibi n'omwonooni. Ja ng'omutondolamu okwonoona kwe, okutuusa lw'olikumumalamu.

Zabbuli 37:17

kuba Musengwa Katonda aja kuzikiriza amaani g'ababi, aye abeere abo abatuufu.

Zabbuli 94:6

Baita banamwandu ni bamulekwa, era baatemula abasenze be tusenza mu nsi yaife.

Isaia 1:17

mwege okukolanga ebirungi. Mufubenga okukola mu butuufu, mulekezenga agho abantu okutuntuza banaibwe, mulwanirirenga bamulekwa era muwolerezenga banamwandu.”

Isaia 1:23

Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Isaia 10:2

Mulemesa abanaku okusalirwa emisango mu mazima, mwalemya abaavu okukolerwa ebituufu bye bagwaniire, mwanhaga ebintu bya banamwandu, n'ebya bamulekwa mwabinhaagaana.

Yeremia 48:25

Amaani ag'ensi Moabu gatyankiriirwa, n'obuyinza bwayo bwazikirizibwa. Nze Musengwa Katonda, ninze nkobye.”

Ezekieli 22:7

Abazaire mu iwe batwalibwa ng'ekitagasa, ebintu by'abasenze byakupankupanizibwa, banamwandu ni bamulekwa baatulugunhizibwa.

Ezekieli 30:22

Agho ni, nze Musengwa Katonda kyenva ndi kukoba nti: Bona eno, buti nfuuse muzigu wa kyabazinga wa Misiri. Era ndimumenha emikono gyombi, gule ogw'amaani ni gule ogwamenheka, naamulekuza empiima yaamuva mu ngalo yaagwa.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Matayo 23:14

“Mukagwireku Abanamateeka n'Abafarisaayo, abakuusa imwe, mukaavuula eby'omu ndhu dha banamwandu, ate mwasaba esaala edhitakutuka nga mwenda okweraga. Kale ekibonerezo kyaimwe kikakali.]

Amateeka Agokubiri 27:19

“ ‘Omuntu yeenayeena anaasalirizanga omusango ogw'omusenze ni mulekwa ni namwandu, akolimirwenga!’ Olwo abantu boonaboona baliiramu bati, ‘Amiina.’