Yobu 22:27 - Baibuli Ekibono kya Katonda 2014

²⁷ Aidha kukuwuliranga ng'oli ni ky'omusaba, era oidha kutuukirizanga ky'onaabanga weeyamye okukola.

Yobu 22:27 ပူးပေါင်းရင်းမြစ်များ

2 Bakyabazinga 13:4

Agho Yehoahazi yeeghemba Musengwa Katonda ng'amusaba, era Musengwa Katonda yaawulira okusaba kwe, kuba yabona kyabazinga wa Siria bweyali abisa obubi Abaisiraeli.

1 Ebyomubyanda 4:10

Yabezi yaasaba Katonda ati: “Wo Katonda, mpa enkabi, ogaziye ekiketezo kyange, era banga ghalala ninze okumponia buli kabi, kalobenga kuntuukaku.” Era Katonda yaamugha kye yasaba.

2 Ebyomubyanda 33:13

Yaasaba Katonda, era Katonda oyo yaikiriza okwegayirira kwe, n'okusaba kwe yaakuwulirisa, yaamwiza e Yerusalemu ku bwakyabazinga bwe. Olwo Manasse yaamanha nga Musengwa Katonda ni Katonda.

Yobu 11:13

“Yobu, bw'oneenenia mu mwoyo gwo, oidha kusobola okugololera emikono gyo ye Katonda omusabe.

Yobu 27:10

Ti n'omuntu asanhukira einho okusinza oyo Aghanga Ebintu Byonabyona, n'okumweghemba ekiseera kyonakyona.

Yobu 33:26

Olwo omuntu yaasinza Katonda, era Katonda yaamugemerwa ekivunika, yaaja mu maiso ge nga musangaavu, kuba amuwoniiza okufa.

Yobu 34:28

Baaleetera abaavu okumulirira. Yaawulira okulira kwaibwe nga babadaazadaaza.

Yobu 8:6

era bw'onaaba omwesimbu ng'oli mulongoofu, Katonda oyo taalobe kwidha kukubeera, nakukwirizaagho maka go agakusaaniire.

Zabbuli 116:1

Nze ngonza Musengwa Katonda olw'okuba awulira amamiro gange nga ndi kumweghemba.

Zabbuli 116:14

Era ndidha kutuukiriza ebyo bye neeyama eri Musengwa Katonda, nga ndi mu bantu be abeesoloiza okumusinza.

Zabbuli 56:12

Wo Katonda wange, nteekwa okutuukiriza obweyamo bwange; ndidha kughaayo omusengo olw'okukusiima,

Zabbuli 61:5

Iwe Katonda wange ompuliire nga neeyama, era ompaire omugabo ku ebyo by'oterekera abakutya.

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Omulangirizi 5:4

Bw'obanga weeyamye ekintu eri Katonda, otalwangagho kukituukiriza, kuba Katonda tasanhukira basiru. Tuukirizanga kye weeyamye okukola.

Isaia 58:9

Bwe munandhetanga ndidha kuvugiranga, era bwe munandiriranga ndidhanga kubairamu nti, ‘Ndi ghano!’ “Bwe mulyetoolamu omuze ogw'okutuntuza banaimwe, okubanhoomerera, n'okuboogeraku ebibi,

Yeremia 29:12

Olwo mulindheta okubayamba era mwansaba, naabawulirisa.

Yona 2:9

Aye nze ndidha kukwembera enhembo edhikusaaka, nkugheereze omusengo era ntuukirize ebyo bye neeyama. Ghazira wundi alokola okutoolaku Musengwa Katonda.”

Amateeka Agokubiri 23:21

“Bwe munaabangaku ni kye mweyamye okukolera Musengwa Katonda waimwe, mutalobanga kukituukiriza mangu. Kuba Musengwa Katonda waimwe taliroba kukibabuuza ni kibaviiramu okwonoona.