Yobu 22:13 - Baibuli Ekibono kya Katonda 2014

¹³ Osobola okwebuuza oti, ‘Katonda kiki ky'aidhi? Aghanga okusalira abantu emisango ate ng'aghembeibwaku ebire ebigemye enzikiiza?’

Yobu 22:13 ပူးပေါင်းရင်းမြစ်များ

Yobu 34:22

Ghazira kinsense waire nzikiiza egemye bedimudimu, abakola ebibi mwe baghanga okwegisa ku Katonda.

Zabbuli 10:11

Munda mule akoba ati: “Katonda tafaayo! Yeeghembye mu maiso era kino taidha kukibona!”

Zabbuli 139:11

Bwenkoba nti ka neegise mu nzikiiza, oba nti omusana oguli ghe ndi gufuuke bwire,

Zabbuli 139:7

Katyo gha ye nsobola okuja ni nkuvaaku? Era nsobola kulumukira gha y'otali?

Zabbuli 59:7

Wulira bwe bawowoigana nga baasaime. Ebibava mu kanwa mpiima dheene edhifumita, aye ng'ate balowooza bati ghazira ali kubawulira.

Zabbuli 64:5

Beekalangula mu bikolwa ebibi, beekobaana gha ghe banaatega emitego, nga bakoba bati: “Naani anaatubona?

Zabbuli 73:11

Beebuuza bati: “Aye Katonda alimanha atya? Oyo Ali Ghaigulu Yeene alisobola atya okutegeera?”

Isaia 29:15

Bakagwireku abo abagezaaku okukweka ku Musengwa Katonda entegeka dhaibwe, era bye bakola ni biba bya mu nzikiiza, nga bakoba bati: “Naani atubona? Era naani aidhi bye tukola?”

Yeremia 23:24

Ghazira muntu asobola kwegisa ghe ntasobola kumubona. Timwidhi nga ndi buli ghantu, mu igulu ni mu nsi?

Ezekieli 8:12

Katonda yankoba ati: “Iwe omuntu, oboine abakulembeze ab'eighanga lya Isiraeli bye bali kukola mu nzikiiza? Buli muntu ali kusinziza mu kisenge omuli ebifaananie. Bakoba bati, ‘Musengwa Katonda tatubona, era yalekulira agho ensi yaife.’ ”

Ezekieli 9:9

Katonda oyo yandhiramu ati: “Ebibi eby'eighanga Isiraeli ni Buyudaaya bibitiriire obungi. Ensi yaibwe eidhwire ebikolwa eby'obutemo, n'ekibuga kyaidhula obutajiira ku mazima. Bakoba bati, ‘Musengwa Katonda yalekulira agho ensi yaife, era tatubona.’

Amosi 9:2

Waire basima baatuuka e magombe, ndidha kubatuukaku mbatooleyo. Era waire baniina baatuuka mu igulu, ndidha kubaghanulayo.

Amosi 9:3

Ni bwe balyegisa ghaigulu ku lusozi Karumeli, era nja kubaagala mbatuukeku mbatooleyo. Ni bwe balyegisa ghansi ku ntobo ey'enhandha, era nja kulagira ogusota gwamu gubalume.

Zefania 1:12

“Mu kiseera ekyo nja kutoola entaala nje nga ndhagaaza mu Yerusalemu mwonamwona. Nja kubonereza abantu boonaboona abali obulungi abazira kibeeraliikiriza, abakoba mule bati, ‘Musengwa Katonda ghazira ky'aidha kukola, ka kibe ekirungi oba ekibi.’