19 Imwe mukoba muti, ‘Katonda abonereza abaana olw'ebibi bya baiseibwe.’ Aye leka Katonda abonereze abo beene, baghange okumanha nti babonerezeibwa lwa bibi byaibwe ebyo.
Bw'oba ng'okoze ekituufu tosiimibwa? Aye nga bw'okoze obubi, ekibi kikuteegereire ku lwigi nga kyenda okukufuga. Aye oteekwa okukighangula.”
Olwaleero luno mpulira nga nziramu maani, waire nga ninze kyabazinga eyasiigibwa omuzigo. Batabane ba Zeruia bano, banfuukire ekizibu. Oyo eyakola ekibi ekyo, Musengwa Katonda agwananga yaamwesasuulizaaku mu nsambo emugwaniire olw'obubi bwe.”
Suula ere zaabu wo mu nkungu, ni zaabu wo omukenenule ow'e Ofiri omusuule mu mabaale ag'omu mwiga.
Aidha kwiriza abazigu bange ebibi byaibwe byene bibabonereze; aidha kubazikiriza kuba mwesigwa.
Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.
Mukole mwite abaana ba kyabazinga oyo olw'ebibi bya badhaadha baibwe, balobe kusituka kutoola nsi efuuke yaibwe, na kugiidhuza yoonayoona bibuga.”
Ekiseera ekyo bwe kirituuka abantu baliba tibakaakoba bati, ‘Abazaire baalya emizabbibu egikaagha, aye ate abaana n'abaagemwa engigina ku maino.’
“Ate omuntu oyo asobola okuzaala omwana, era omwana oyo yaabona ebibi byonabyona ise bye yakola, aye yaaloba kubikola.
“Mutera okukozesa endhogera ekoba eti, ‘Abazaire baalya emizabbibu egikaagha, aye ate abaana n'abaagemwa engigina ku maino.’ Muba mutegeeza ki?
Olwo kabiri muliiramu okwawulagho omutuufu n'omukozi w'ebibi, n'okwawulagho oyo ampeereza nze Katonda n'oyo atampeereza.”
‘Nze Musengwa Katonda ndwagho okusungughala, ngonza abantu obutalekera, era naasonigha aboonooni n'abadheemu. Aye tiriroba kubonereza aliku musango. Ndibonereza abaana n'abaidhukulu olw'ebibi eby'abazaire baibwe, okutuukira irala ku luse olwokusatu n'olwokuna.’
Omwana w'Omuntu aja kwidha mu kitiisa kya Ise, ni bamalaika be, era buli muntu amughe ekimugwana ng'ajiira ku bikolwa bye.
Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.
Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.
Musengwa Katonda aidhukira abazigu ba Isiraeli abo kye bakoze, era ali kuteega ekiseera ky'ategeike kituuke, memale ababonereze;
ndidha kubangula empiima yange emesunkana, ngikozese okuleetagho enkola entuufu. Ndidha kwesasuuliza ku bazigu bange, mbonereze abo abankyagha.
Alekisandero omugheesi yankola bubi inho, aye Musengwa alimwesasuulizaaku olw'ebyo bye yankola.
Mumukole nga mwene bwe yabakola, ate ku bikolwa bye mumwesasuuzeemu emikuzi ebiri. Ekikopo kye yabatabulira imwe, mukimutabuliremu obuka bwa mikuzi ebiri.