Yobu 20:19 - Baibuli Ekibono kya Katonda 2014

¹⁹ olw'okuba yatuntuza abaavu yaabalekulira agho, yaanhaga endhu dh'ataazimba.

Yobu 20:19 ပူးပေါင်းရင်းမြစ်များ

1 Bakyabazinga 21:19

Oidha kumukoba oti, ‘Musengwa Katonda akoba ati, omaze okutemula omuntu, obwo era otwale n'ebintu bye?’ Era oidha kumukoba oti, ‘Musengwa Katonda akoba ati, mu kifo mwene embwa mwe dhaakombeire omusaayi gwa Nabothi, era mwe dhiidha okukombera n'ogugwo.’ ”

Yobu 18:15

Omuntu aba ng'ayenze n'eyeesulira mu ndhu eyo etakaali yiye, nga bamaze okumansiramu obuganga bwa salufa.

Yobu 22:6

Watoola ku baganda bo emisingo mu bukyamu nga weesasula by'obabandha; waabatoolamu ebivaalo byaibwe, wabaleka madu.

Yobu 35:9

Olw'okutuntuzibwa okungi, abantu bakuba enduulu, baalira nga benda okufuna anaabawonia.

Zabbuli 10:18

Tega kutu owulirise bamulekwa n'abatuntuzibwa, obasalire omusango mu butuufu basinge, olwo ghabule omuntu yeenayeena ku nsi atiisatiisa obulamu bwa baine.

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 12:6

Ebisuubizo bya Musengwa Katonda byesigika ng'oti ni feeza alongooseibwa, ng'abisibwa mu muliro emikuzi omusanvu.

Ensambo 14:31

Omuntu atuntuza omwavu aba ali kuvuma Katonda eyamutonda, aye ole agemerwa omuntu ali mu bwetaavu ekivunika aba atya Katonda.

Omulangirizi 4:1

Bwe nava ku ebyo, naabona abantu bwe batuntuzibwa mu nsi, ni balira amaziga, aye nga ghazira n'abayamba. Abantu abo tibafuna abayamba, kuba ababatuntuza, ni beene abo abali mu buyinza.

Omulangirizi 5:8

Bw'obonanga abakungu mu ighanga nga batuntuza abaavu, baaloba kubakolera mazima, era baaloba kubakolera ebyo bye bagwaniire okukolerwa, oteewuunhianga kuba buli mukungu abaaku n'omuntu amusingaku amufuga, era n'oyo amusingaku yeena yaabaaku abamufuga.

Okulira 3:34

Musengwa amanha bweghabaagho omuntu yeenayeena omusibe anhigirizibwa ku nsi kuno.

Ezekieli 22:29

Abatyamye b'omu nsi eyo bakola obukupankupania, baanhaga ku bantu ebyaibwe. Banhigiriza abaavu n'abali mu bwetaavu, baakupankupania ebintu by'abasenze aghazira kusaasira naire.

Amosi 5:11

Mutuntuza abaavu, era mwabakaka babaghe imwe engaano yaibwe. Kale ni waire mwazimba endhu edh'amabaale amabaadhe edh'omulembe, timulidhisulamu. Waire mwasimba amasamba ag'emizabbibu agasanhusa, timuja kunhwa ku mwenge gwamu

Amosi 5:12

kuba ndidhi ebibi byaimwe bwe byaga obungi, era naamanha emisango gye mwaiza bwe gyaga obunene. Mudaazadaaza abantu abatuufu, mwalya enguzi. Era mwafuulaniafuulania ensonga edh'abaghafu, mwabasaliriza mu mbuga dh'amateeka.

Mika 2:2

Bwe beegwaniza omusiri, nga bagunhaga, oba ndhu, nga batwala butwale. Era nga bwebabisa ebintu eby'omuntu, n'omuntu mwene yeena bwe bamubisa.

Mika 2:9

Mubinga abakazi ab'abantu bange mu ndhu dhaibwe mwe bawulirira eisanhu, mwalobera abaana baibwe okubona ku kitiibwa kyange ebyanda n'ebyanda.

Amateeka Agokubiri 28:33

Ab'eighanga erindi balinhaga emere ye mwafaabiikana okulima ku itaka lyaimwe era ni bye mwadaagirira ebindi byonabyona, aye nga imwe babatuntuza butuntuze na kubabisa bubi.

Yakobo 2:13

Mu kusala omusango Katonda taja kusaasira muntu oyo atasaasira ate okusaasira n'okusinga mu kusala emisango.

Yakobo 2:6

Aye imwe munhooma abaavu! Abakombe ti n'ababatuntuza? Ti ni beene abo ababatwala ni babakuba mu mbuga?

Yakobo 5:4

Muwulire, okulira kw'abakozi abaakola mu nimiro dhaimwe ni mutabagha mpeera yaibwe olw'obulyase bwaimwe. Muwulire, n'okulira okw'abantu abaabatoolera ebirime mu nimiro kwatuuka mu kutu wa Musengwa Afuga Amagye.