Yobu 20:12 - Baibuli Ekibono kya Katonda 2014

¹² Omuntu omubi awoomerwa ekibi ng'oti sukaali, yaakikwekaku ni ghansi gh'olulimi lwe.

Yobu 20:12 ပူးပေါင်းရင်းမြစ်များ

Amainhama 3:6

Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

2 Samueli 11:12

Agho Daudi yaakoba Uria ati: “Kale sigala ghano n'olwaleero. Enkyo ndidha kukusiibula oje” Uria yaasigala mu Yerusalemu olunaku olwo n'olwairirira.

Yobu 15:16

Memale olwo aghanga atya okwesiga omuntu omwonoonefu era atagasa, eyeededa ebyonoono ng'oti yeededa maadhi!”

Zabbuli 10:7

Mu by'ayogera n'omwidhwire okukolima, okuguya, n'okwesoomera; olulimi lwe lwidhwire eitima n'okwonoona.

Ensambo 19:28

Omuntu agha obudhulizi obw'obuguya anhooma ensala entuufu ey'omusango, era omuntu omubi awoomerwa okukola ebibi ng'oti bwa mere.

Ensambo 20:17

Omuntu by'afuna mu kukupankupania bisooka byawoomerera ng'oti mere, aye oluvainhuma aba ng'oti ali kulya bubaale.

Omulangirizi 11:9

Iwe omwisuka, sagambira mu bwisuka bwo era weeyagale ng'okaali mwisuka. Kolanga ebyo by'oyenda, era weetuusengaku ebyo omwoyo gwo bye gwegomba. Aye manha nti Katonda aja kukusalira omusango olw'ebyo byonabyona.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”