Yobu 2:9 - Baibuli Ekibono kya Katonda 2014

⁹ Agho mukazi we yaamukoba ati: “Era okaagumiire ku bwesigwa bwo? Vuma Katonda, ofe.”

Yobu 2:9 ပူးပေါင်းရင်းမြစ်များ

Amainhama 3:12

Omusaadha yairamu ati: “Omukazi ye wampa okubanga ninze n'ampaire ekibala ekyo zeena naalyaku.”

Amainhama 3:6

Omukazi yaabona ng'omuti gusanhusa amaiso era nga mulungi okulyaku, era yaagwegomba olw'amagezi ge gwali guja okubaleetera. Agho yaanoga ku bibala byagwo yaalya, era yaagha ni ku musaadha we, yeena yaalya.

1 Bakyabazinga 11:4

era ghe yakairikira baali nga bamuleeteire okusinza emisambwa, yaaloba kugumira ku Musengwa Katonda we, nga lata we Daudi bwe yamugumiraku.

2 Bakyabazinga 6:33

Yali akaayogera nabo, kyabazinga yaatuuka gh'ali, yaamukoba ati: “Musengwa Katonda n'atutuusiisaaku akabi kano. Kale lwaki nhongera okuteega okubona Musengwa Katonda ky'anaakola?”

Yobu 1:11

Aye mpegaano golola omukono gwo omutooleku byonabyona by'ali nabyo, aja ku kuvuma ng'obona n'okubona.”

Yobu 2:10

Aye Yobu yaamukoba ati: “Oli kwogera ng'oti n'abakazi abasirusiru bwe boogera. Obwo, tunaasanhukiranga birungi byonka Katonda by'atugha, twaloba kusanhukira bitunhiga by'atugha?” Mu ebyo byonabyona ebyagwagho Yobu tiyayogera bubi ku Katonda.

Yobu 2:3

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi. Era akaagumiire ku bwesigwa bwe, waire nga iwe wagezaaku okundhikirizisa mmuzikirize eby'obwereere.”

Yobu 2:5

Aye mpegaano golola omukono gwo ogeme ku mubiri gwe, aja kukuvuma ng'obona n'okubona.”

Yobu 2:8

Yobu yaatoola akagyo ak'okweyagisanga ku mubiri, era yatyamanga mu ivu olw'okunakughala.

Malaki 3:14

Mwakoba muti, ‘Kuba kudaagira bwereere okugheereza Katonda. Kigasa ki okugondera Musengwa Katonda oyo Afuga Amagye, n'okweyoleka y'ali nti tuli mu nnaku?

Abalamuzi 14:17

Omukazi yaamuliriranga olw'ekyo buli lunaku, okumalaku enaku omusanvu edh'embaga. Aye ku lunaku olwomusanvu yaamukobera, kuba yamudeeberera inho. Omukazi yaakobera ab'eighanga lye.