Yobu 2:8 - Baibuli Ekibono kya Katonda 2014

⁸ Yobu yaatoola akagyo ak'okweyagisanga ku mubiri, era yatyamanga mu ivu olw'okunakughala.

Yobu 2:8 ပူးပေါင်းရင်းမြစ်များ

2 Samueli 13:19

Tamari yeemansira eivu mu mutwe, yaakanulamu ekivaalo kye ekireeyi kye yali avaire, yeetwika emikono gye yaaja ng'ali kuwowoola.

Yobu 2:9

Agho mukazi we yaamukoba ati: “Era okaagumiire ku bwesigwa bwo? Vuma Katonda, ofe.”

Yobu 42:6

Kale ni neemenhie era neenenia naatyama mu nkungu ni mu ivu.”

Zabbuli 38:5

Amabwa gange gavunda era gaaduuka olw'obusiru bwange obwandeetera okudaaliima.

Zabbuli 38:7

Mpulira okwokerera mu nkende, era ku mubiri gwange kuzira ghalamu.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Yeremia 6:26

Musengwa Katonda yaakoba abantu be ati: “Imwe abantu bange, muvaale ekutiya era mwevulunge mu ivu olw'enaku. Mulire ng'oti n'alira mutabane we omulala bedengedenge. Mulire lukalukalu, kuba oyo ali kwidha okuzikiriza, aidha kubagwaku bugwe nga timwidhi.

Ezekieli 27:30

Baalira inho amaziga era baawowoola ku lulwo. Beeyugha enkungu mu mitwe era beevulunga mu ivu.

Yona 3:6

Kyabazinga w'e Nineve bwe yabiwulira, yaaleka ghale ekityamo kye n'ebivaalo bye eby'obwakyabazinga, yaavaala ekutiya era yaatyama mu ivu okwoleka okwenenia kwe.

Matayo 11:21

Yaakoba ati: “Abantu ab'e Korazini, mukagwireku! N'abe Bethisaida, mukagwireku! Kuba ebyewuunhio ebikolerwa mu imwe nguli byali bikoleirwa mu Tiro ni Sidoni, nguli beenenia, baavaala ekutiya, beebbaaka n'eivu.