Yobu 2:7 - Baibuli Ekibono kya Katonda 2014

⁷ Agho Sitaani yaava mu maiso ga Musengwa Katonda, yaaja, yaaleetera omubiri gwa Yobu okumwaguka amabwa amabi einho, okuva ku mutwe okutuuka ku bigere.

Yobu 2:7 ပူးပေါင်းရင်းမြစ်များ

2 Samueli 14:25

Mu Isiraeli mwonamwona timwali muntu amanhiibwa inho lwa kuba mulungi mu mboneka ng'oti ni Abusalomu. Okuva ghansi ku bigere bye, okutuuka ghaigulu ku mutwe gwe, tiyaliiku kikyamu kyonakyona.

1 Bakyabazinga 22:22

“Musengwa Katonda yaagubuuza ati, ‘Mu nsambo ki?’ “Omwoyo gwamwiramu guti, ‘Ndidha kuja ndhogeze abalanzi be boonaboona eby'obuguya.’ “Musengwa Katonda yaakoba ati, ‘Oidha kusobola okumusendasenda. Kale ja okole otyo.’ ”

Yobu 1:11

Aye mpegaano golola omukono gwo omutooleku byonabyona by'ali nabyo, aja ku kuvuma ng'obona n'okubona.”

Yobu 13:28

Kyenva ni nseenena ng'oti n'ekintu ekivunda; oba ng'oti n'ekivaalo ekiriibwa ebisiisa.”

Yobu 2:6

Musengwa Katonda yaakoba Sitaani ati: “Kale, wuuyo ali mu buyinza bwo. Aye mulekere obulamu.”

Yobu 30:30

Omubiri gundhirugaire, era gundhokerera ng'oti muliro.

Yobu 7:5

Omubiri gwange gwidhwire enhengere n'eiko; era gwidhwire bikobolo ebyesala ni bivaamu amasira.

Isaia 1:6

Okuviira irala ku mutwe okutuukira irala ku bigere ghaziraku ghalamu naire. Oidhwire bwa binuubulenuubule, na bikwadulekwadule, na bibwa ebiri kutiiriika omusaayi, ebitanaaziibwa waire okusibwaku ekighero, oba okuteebwaku obulezi.

Isaia 3:17

Aye nze Musengwa Katonda ndidha kuleetera emitwe gy'abakazi b'omu Yerusalemu abo okugwa empaata basigale nga bazira nviiri ku mitwe, era mpembule ebitundu byaibwe eby'ekyama.”

Amateeka Agokubiri 28:27

Musengwa Katonda aidha kubasindikiranga amabuubuuto nga ge yalwaza Abamisiri. Abalwaze n'amabwa, n'ebizimba, n'omubiri okusiigha. Ebyo byonabyona nga tibiwona.

Amateeka Agokubiri 28:35

Musengwa Katonda aidha kubasindikiranga amabuubuuto ga kokolo ku makiryaivu ni ku magulu, era gabaidhulenga okuva ku bigere okutuuka ku mutwe.

Okwolekebwa 16:11

baavuma Katonda ow'eigulu olw'okubaleetera obulumi n'amabwa era baaloba kwenenia ebyo bye baakolanga.