Yobu 2:4 - Baibuli Ekibono kya Katonda 2014

⁴ Agho Sitaani yairamu Musengwa Katonda ati: “Ekigema ku mubiri gw'omuntu, n'ekimulumya. Omuntu aghaayo by'ali nabyo byonabyona olw'obulamu bwe.

Yobu 2:4 ပူးပေါင်းရင်းမြစ်များ

Amainhama 47:17

Kale baaleeta ensolo dhaibwe dhoonadhoona eri Yosefu: embalaasi, entaama, embuzi, ente, n'endogoyi. Yosefu yaabaghaamu emere omwaka ogwo.

Amainhama 47:19

Otatuleka kufa ng'olingiriire. Tugule, ife n'ebibandha byaife, otugheemu emere. Tunaabanga bairu ba kyabazinga, era n'ebibandha byaife binaabanga bibye. Tughe engaano ey'okulya n'ey'okusiga tulobe kufa, tulime ensi yaife erobe kuzika.”

1 Bakyabazinga 20:31

Abakungu be baamukoba bati: “Twawulira tuti bakyabazinga ba Isiraeli baba ba kisa. Tukusaba otuganhe twesibe ekutiya mu nkende n'emigugha mu nkoto, tuje eri kyabazinga wa Isiraeli, tomanha bw'awonia bulamu bwo.”

Yobu 2:3

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi. Era akaagumiire ku bwesigwa bwe, waire nga iwe wagezaaku okundhikirizisa mmuzikirize eby'obwereere.”

Yobu 2:5

Aye mpegaano golola omukono gwo ogeme ku mubiri gwe, aja kukuvuma ng'obona n'okubona.”

Ensambo 13:8

Omugaiga aghaayo eby'obugaiga bwe okununula obulamu bwe, aye omwavu ghazira ky'asabibwa kughaayo naire.

Yeremia 41:8

Aye mu abo mwalimu abasaadha ikumi abaakoba Ishimaeli bati: “Tukweghembye otatwita! Tuli n'engaano, ni sayiri, n'omuzigo ogw'ebibala eby'emiti emyoliva, n'omudheenene ogw'endhuki, era twabikwese mu nimiro.” Kale abo yaabaleka, yaaloba kubaita.

Matayo 16:26

Omuntu aganhulwamu ki okufuna ensi yoonayoona aye n'afiirwa obulamu bwe? Oba omuntu aghanga kughaayo ki okununula obulamu bwe?

Matayo 6:25

“Kyenva mbakoba nti: muteeraliikiriranga mu bulamu bwaimwe kye munaalya oba kye munaanhwa, waire omubiri gwaimwe kye munaavaala. Obulamu ti bwa mughendo okusinga emere? N'omubiri ti gwa mughendo okusinga eby'okuvaala?

Luka 12:23

Obulamu bwa mughendo okusinga emere, era n'omubiri gwa mughendo okusinga ebivaalo.

Yoshua 9:24

Baamwiramu bati: “Ekyatukoza ekyo lwa kuba ife abagheereza bo twawulira aghazira kubuusabuusa, nga Musengwa Katonda waimwe yalagira omugheereza we Musa, okubagha ekiketezo kino kyonakyona, era n'okuzikiriza abantu baamu boonaboona kiisi ye munaabanga muja. Kale twatya inho nga mwidha kutwita.