Yobu 2:3 - Baibuli Ekibono kya Katonda 2014

³ Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi. Era akaagumiire ku bwesigwa bwe, waire nga iwe wagezaaku okundhikirizisa mmuzikirize eby'obwereere.”

Yobu 2:3 ပူးပေါင်းရင်းမြစ်များ

Amainhama 6:9

Bino n'ebifa ku Noa. Yali muntu akola ebituufu, ng'aziraku kibi mu bantu ab'omu biseera bye

2 Samueli 20:20

Yoabu yaamwiramu ati: “Ekyo tikiribaagho, tikiribaagho naire, nze okwenda okusaaniagho oba okuzikiriza!

Yobu 1:1

Ghaaligho omusaadha mu nsi eyetebwa Uzi, ng'ayetebwa Yobu. Omusaadha oyo yali muntu aziraku musango era omwesimbu, ng'atya Katonda era nga yeekuuma obutakola kibi.

Yobu 1:11

Aye mpegaano golola omukono gwo omutooleku byonabyona by'ali nabyo, aja ku kuvuma ng'obona n'okubona.”

Yobu 1:6

Olunaku lwali lulala, abakwenda ab'omu igulu baidha okweyandhula mu maiso ga Musengwa Katonda. Ni Sitaani yeena yaidhiramu.

Yobu 1:8

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi.”

Yobu 13:15

Bona, oba Katonda andhita, andhite, kiki kye nkaasuubirayo? Aye ndidha kwewozaaku mu maiso ge.

Yobu 2:2

Agho Musengwa Katonda yaabuuza Sitaani ati: “Ova gha?” Sitaani yairamu Musengwa Katonda ati: “Nva kubitabita mu nsi, n'okugitambulatambulamu.”

Yobu 2:4

Agho Sitaani yairamu Musengwa Katonda ati: “Ekigema ku mubiri gw'omuntu, n'ekimulumya. Omuntu aghaayo by'ali nabyo byonabyona olw'obulamu bwe.

Yobu 9:17

Ankubisa kiwunga yantentena, yandhidhuza ebinuubule ku mubiri aghazira nsonga.

Yobu 9:20

Waire nga nziraku musango, bye ndhogera bigunsinza. Waire nga nziraku kye baananga, mwene ayoleka nga bwendi omukyamu.

Zabbuli 26:1

Wo Musengwa Katonda, sala omusango oyoleke nga bwe nziraku kinvunaanibwa, kuba mbairenga mwesigwa y'oli, aghazira kudaaliima naire.

Zabbuli 37:37

Weekalirisenga omuntu aziraku musango era omutuufu; omuntu ayenda emiraala tabula izaire.

Zabbuli 41:12

Ndidhi nga toidha kubaganha kunsuula, kuba nkola by'oyenda. Era oidha kunkuumira gh'oli ebyanda n'ebyanda.

Ensambo 11:8

Katonda akuuma omutuufu yaaloba kugwa mu bizibu, aye omubi yaabigwamu.

Ensambo 13:6

Obutuufu bukuuma omuntu omwesimbu, aye okukola ebibi kuleetera aboonooni okugwa.

Ensambo 14:2

Omuntu omwesimbu atya Musengwa Katonda, aye ateesigika amunhooma.

Ensambo 15:8

Musengwa Katonda yeenhinhata emisengo egy'ababi, aye yaasanhukira okusaba okw'abeesimbu.

Ensambo 16:17

Abantu abeesimbu beekuuma obutagwa mu kibi; abo abeegendereza bakuuma obulamu bwaibwe.

Yoanne 9:3

Yesu yaabairamu ati: “Mwene ti n'eyayona waire abazaire be, aye yatuluwala amaani ga Katonda gamweyolekeremu.

Ab'e Filippi 3:12

Tikoba nti naghangula, oba nti namala okutuukirira aye neekalangula okufuna ekyo Kurisito Yesu kye yavaaku okunfuula owuwe.

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

1 Petero 1:7

Bino birigho lwa kukakasa ng'okwikiriza kwaimwe kwa mazima. Oba nga ni zaabu ow'ekiseera obuseera ateebwa mu muliro yaakenenulwa, n'okwikiriza kwona okw'omughendo okusinga ni zaabu, kuteekwa okulebwa n'okukakasibwa. Olwo ni mwasaakibwa, mwagheebwa ekitiisa n'ekinhagansi ku lunaku Yesu Kurisito lw'alibonekeraku.

1 Petero 5:10

Aye olumaliira olw'okudaazibwadaazibwa akaseera akatono, Katonda ow'ekisa ekitakoma eyabeeta mube mu kitiisa kye ekitawaagho mu Kurisito, alibagoloza, yaabagha amaani era yaabagumya.