Yobu 2:12 - Baibuli Ekibono kya Katonda 2014

¹² Bwe baamulengera, tibaamutegeereragho. Aye bwe baamutegeera, baawowoola era baalira amaziga. Baakanula ebivaalo byaibwe olw'okunakughala, beeyugha enkungu mu mitwe, nga bwe bagimansa ghaigulu.

Yobu 2:12 ပူးပေါင်းရင်းမြစ်များ

Amainhama 27:34

Esau bweyawulira ise by'akobye, yaawowoola inho olw'okunakughala. Yaakoba ise ati: “Bbaaba, nkweghembye zeena onsabire enkabi.”

2 Samueli 13:36

Olwamala okwogera ati, nga batabane ba kyabazinga batuuka. Bwe baatuuka baakuba empungu, baalira inho. Ni kyabazinga ghalala n'abagheereza be, boona baagegenga.

Ezera 9:3

Bwe nawulira ekyo naakanulamu ebivaalo byange olw'okunakughala, neemaanhuula enviiri ku mutwe ni ku kirevu, era naatyama ghansi nga nsobeirwa inho mu nnaku.

Nehemia 9:1

Ku lunaku olwamakumi abiri n'eina (24) olw'omwezi gwene ogwo, Abaisiraeli beesoloza, baasiiba nga tibaliire, nga bavaire ekutiya era nga beefuse n'enkungu mu mitwe, olw'ebibi byaibwe okubanakughaza.

Yobu 1:20

Agho Yobu yaasituka, yaakanulamu ekivaalo kye era yaamwa omutwe gwe olw'okunakughala, yaakutama n'ekyeni kyatuuka ku itaka, yaasinza Katonda.

Yobu 19:14

Aboluganda ni bakagwa bange baneetoireku.

Okulira 2:10

Abasaadha abakaire ab'omu kibuga Sioni batyama agho ku itaka baasiriikirira. Beeyugha enkungu mu mitwe nga beesibye ebikaakaati olw'enaku. N'abaghala baamu boona baakuba amakiryaivu agho ku itaka.

Ezekieli 27:30

Baalira inho amaziga era baawowoola ku lulwo. Beeyugha enkungu mu mitwe era beevulunga mu ivu.

Yoshua 7:6

Agho Yoshua n'abakulu ab'ebikunsu mu Isiraeli baayuza ebivaalo byaibwe, beeyala wa mberi gh'Esanduuku y'Endagaano ya Musengwa Katonda, era beeyugha enkungu mu mitwe, baaba agho okutuusa eigulo. Ebyo byonabyona baabikola olw'okunakughala.

Okwolekebwa 18:19

Era balyeyugha enkungu mu mitwe, baalira era baagegenga nga bakoba bati: “Okagwireku! Okagwireku, iwe ekibuga ekikologho, ekyakombaghaliramu abo boonaboona abaali n'amaato ku nhandha! Mu saawa busaawa eti kizikiriire!

Abalamuzi 2:4

Malaika wa Musengwa Katonda bwe yamala okwogera ebyo, Abaisiraeli boonaboona baalira amaziga.

1 Samueli 11:4

Abakwenda bwe baatuuka e Gibea ekya Saulo, baakobera abantu ebibono ebyo. Agho abantu boonaboona baalira inho amaziga.

1 Samueli 30:4

Agho Daudi n'abantu be yali nabo baatimbuka baalira amaziga mangi, okutuusa amaani agalira bwe gaabawaamu.

1 Samueli 4:12

Agho omuntu ow'omu kika kya Benjamini, yaalumuka ng'ava mu lutalo, yaaja yaatuuka e Shilo ku lunaku lwene olwo, ng'akanwiremu ebivaalo bye, era ng'asiize eitaka mu mutwe gwe, olw'enaku.