Yobu 2:10 - Baibuli Ekibono kya Katonda 2014

¹⁰ Aye Yobu yaamukoba ati: “Oli kwogera ng'oti n'abakazi abasirusiru bwe boogera. Obwo, tunaasanhukiranga birungi byonka Katonda by'atugha, twaloba kusanhukira bitunhiga by'atugha?” Mu ebyo byonabyona ebyagwagho Yobu tiyayogera bubi ku Katonda.

Yobu 2:10 ပူးပေါင်းရင်းမြစ်များ

Amainhama 3:17

Yaakoba omusaadha ati: “Olw'okuba wawulirisa mukazi wo bye yakukoba, waalya ku kibala eky'omuti gwe nabalobera okulyaku, eitaka likolimiirwa. Mu kufaabiikana mw'onaatoolanga eky'okulya, enaku dhoonadhoona edh'obulamu bwo.

2 Samueli 13:13

Nze nzira ye ndija nga mmaze okuswala ntyo. Ate iwe oidha kutwalibwanga ng'omudankaanu mu Isiraeli. Kale ni nkweghembye yogera ni kyabazinga, taidha kukundobera.”

2 Samueli 19:22

Aye kyabazinga Daudi yaamukoba ati: “Ye mumbeereire ki imwe abaana ba Zeruia? Lwaki mwenda okundeetaku obuzibu olwaleero? Mudhuuba muti ghaligho anaitibwa mu Isiraeli olwaleero luno? Nkiidhi bukalamu nti mperaano ninze kyabazinga wa Isiraeli.”

2 Samueli 19:28

Ab'endhu ya lata wange twenatwena twali tugwaniire bwa kwitibwa iwe Isebantu kyabazinga, aye nze omugheereza wo wanta mu abo abalya ku kiiwulo kyo. Kabiri obukumu mbutoola gha okusaba Isebantu kyabazinga okunkolera ekisinga agho?”

2 Samueli 24:10

Aye Daudi bwe yamala okubala abantu yeeraliikirira mu omwoyo, yaakoba Musengwa Katonda ati: “Wo Musengwa Katonda nhonoine inho olw'ekyo kye nkoze. Era buti nkweghembye ntoolaaku ekibi ekyo nze omugheereza wo, kuba nkoze kya busiru inho.”

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

Yobu 1:10

Wamukolera olukomera okumwezunguluza mwene n'amaka ge, n'ebibye byonabyona by'ali nabyo. By'akola byonabyona obigha enkabi, n'obukombe bwe, bweyongeire obungi mu nsi.

Yobu 2:9

Agho mukazi we yaamukoba ati: “Era okaagumiire ku bwesigwa bwo? Vuma Katonda, ofe.”

Zabbuli 39:1

Nakoba nti: “Ndidha kwegenderezanga mu bye nkola, ndobe kuganha lulimi lwange kunsuula mu kibi. Omunwa gwange ndidha kugutangaku kuufulu, kasita ghanaabangagho abakozi b'ebibi.”

Zabbuli 39:10

Ntoolaaku obulwaire buno, mbulaku bwa katono okufa olw'omukono gwo okunkuba einho.

Zabbuli 39:9

Ka nsirike, tiidha kwogera kibono kyonakyona, kuba okudaagadaaga kwange kuva y'oli.

Zabbuli 59:12

Ka basigale nga bagemeibwa mu kwebona kwaibwe, ng'oti n'ensolo bw'egwa mu lutuula. Kuba boonoona n'eminwa gyaibwe, na kiisi kibono kye boogera. Era olw'okuba bakolima era baaguya,

Ensambo 9:13

Omukazi omusiru ayogera mu mamiro aga ghaigulu, azira ky'aidhi era taba na nsoni.

Ensambo 9:6

Va mu bantu abazira kye baidhi obe mulamu, era weebise mu nsambo eyoleka ng'otegeera.”

Omulangirizi 7:14

Olunaku ebintu lwe bikujiiriire obukalamu, osangaalanga, ate lwe bikujiiriire obubi, oidhukiranga oti: Katonda naataagho ebyo byombi, olwo abantu balobenga kumanha biribaagho.

Okulira 3:37

Naani asobola okulagira ekintu ni kibaagho okutoolaku nga Musengwa n'asazeegho kibeegho?

Matayo 16:23

Aye Yesu yaakyuka yaakoba Petero ati: “Nva mu maiso Sitaani, oli kitimuguunha mu ngira yange kuba ebya Katonda tobitegeera, otegeera bya bantu.”

Matayo 25:2

Abataanu ku abo baali basiru, ate abataanu nga bagezi.

Yoanne 18:11

Aye Yesu yaakoba Petero ati: “Empiima yo giize mu kiruutu kyayo. Ekikopo Lata ky'ampaire nnaaloba okukinhwa?”

Ab'e Roma 12:12

Okusuubira kwaimwe kubakuumenga nga musagamba, mubenga baguminkiriza mu bizibu byaimwe era musabenga buliidho.

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

Yakobo 3:2

Twenatwena tusobya. Aye oba nga ghaligho atasobya mu ndhogera, oyo mutuukirivu era asobola okufuga n'omubiri gwe gwonagwona.

1 Samueli 3:18

Kale Samueli yaamukobera byonabyona nga ghazira ky'amugisiisa naire. Eli yaakoba ati: “Oyo ni Musengwa Katonda, k'akole mwene ky'abona nga n'ekirungi.”