Yobu 15:30 - Baibuli Ekibono kya Katonda 2014

³⁰ Era taja kuva mu nzikiiza. Aliba ng'oti n'ensaga dh'omuti edhibabwirwa omuliro, era nga n'ebimuli byagwo bitwaliibwa empewo.

Yobu 15:30 ပူးပေါင်းရင်းမြစ်များ

Yobu 15:22

Tasuubira kuva mu nzikiiza; ateegerera bwa kwitibwa.

Yobu 15:23

Atambula eyo atyo ng'anoonia k'anaalya, nga yeebuuza y'anaakaagaana. Aidhi ati olunaku olw'enzikiiza lumukyereire.

Yobu 15:34

Kuba abatatya Katonda baidha kubanga bagumba. Era omuliro gwidha kwokyanga endhu dhe bafuna mu kukupankupania.

Yobu 18:16

Ali ng'oti muti ogukala okuviira irala ku mizi, okutuuka ghaigulu ku busanso bw'ensaga

Yobu 18:18

Balimutoola mu butangaavu baamubingira mu nzikiiza, ave mu nsi y'abalamu.

Yobu 20:26

Eby'obukombe bwe biritokomoka, omuliro ogutakumiibwa bantu gulimwokya, gwasaaniagho ni by'asigaizaagho mu ndhu.

Yobu 22:20

Bakoba bati, ‘Bwenebwene abazigu baife bazikiriziibwa. Ni bye baleseegho, omuliro gubisaaniizaagho.’ ”

Yobu 31:12

Kyandibaire ng'oti n'omuliro oguzikiriza ng'ogwa geyeena, gwandisiriiziiza buli kye ndi nakyo kyonakyona.”

Yobu 4:9

Katonda abafuuwa omuuka ogw'obusungu bwe oguli ng'oti kiwunga, yaabazikiriza.

Yobu 5:14

Omusana baba bali mu nzikiiza, era baaghaamanta mu kasana ghagati oti bwire.

Isaia 11:4

Aye aidha kusalanga emisango gy'abaavu mu butuufu, era akolerenga abaziraku bwogereso ebyo bye bagwaniire okukolerwa. Aliragira bulagire, abantu mu nsi baabonerezebwa, era ababi baitibwa.

Isaia 30:33

Ekifo eky'okwokeramu kyabazinga w'e Assiria kyategekebwa ira. Ekifo ekyo kinene era kirimu olwina oluleeyi, olwidhwire enku. Musengwa Katonda alifuuwa omuuka oguli ng'oti buganga bwa salufa, gwakikunaaniaku omuliro.

Hosea 6:5

Kyenva ni ntuma abalanzi ye muli, ni babaleetera obukwenda bwange obw'okubazikiriza era obubalumiriza imwe omusango. Kye mbendaku kibonekeragho ng'oti butangaavu.

Matayo 22:13

Agho kyabazinga yaakoba abagheereza ati, ‘Mumusibe amakono n'amagulu mumusuule ku luya mu kizikiiza eri okugegenga n'okuluma emba olw'obulumi obubitirivu.’

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Matayo 8:12

aye abaana ab'omu Bwakyabazinga balibingirwa ku luya mu kizikiiza, omuliba okugegenga n'okuluma emba olw'obulumi obubitirivu.”

2 Petero 2:17

Abantu abo bali ng'oti n'ensulo edhaakala eira, era ng'oti n'ebire ebitwalibwa kiwunga. Katonda abategekeire enzikiiza eri bedimudimu.

Yuda 1:13

Bali ng'oti n'okwefuukuula kw'enhandha, ate ebikolwa byaibwe ebiswaza byaba ng'oti n'eiwovu erifuukeera ku maadhi agali kwefuukuula. Bali ng'oti muunienie edhimala gaja eyo dhityo, era Katonda yabategekera okuba mu nzikiiza ebyanda n'ebyanda.

Okwolekebwa 19:15

Mu munwa gwe mwavaamu empiima endhogi ey'okughangula amaghanga. Aligafuga n'omwigo ogw'ekyuma, yaatyankirira emizabbibu mu kikunhiro mwavaamu omwenge ogw'obusungu obungi obwa Katonda Aghanga Ebintu Byonabyona.