Yobu 15:24 - Baibuli Ekibono kya Katonda 2014

²⁴ Enaku n'okweraliikirira bimutiisa, oti ni kyabazinga ow'amaani bw'atiisa be yeetegeike okulumba.

Yobu 15:24 ပူးပေါင်းရင်းမြစ်များ

Yobu 15:20

Omuntu omubi, oyo abisa obubi abandi, adaagadaaga obulamu bwe bwonabwona.

Yobu 15:21

Awulira mu matu ge amamiro agatiisa. Lw'afunaku akalembereza lw'alumbibwa abanhazi.

Yobu 15:23

Atambula eyo atyo ng'anoonia k'anaalya, nga yeebuuza y'anaakaagaana. Aidhi ati olunaku olw'enzikiiza lumukyereire.

Yobu 15:25

Kuba asonse mu Katonda olwala, yaasonsoonia Aghanga Ebintu Byonabyona.

Yobu 19:11

Angemeirwa obusungu obwaka ng'oti muliro; ali kumbisa ng'oti ndi muzigu we.

Yobu 19:12

Amagye ge gaidhira ghalala nga gategeka okuunumba, gaabwama okuzingiza weema yange.”

Zabbuli 119:143

Ebizibu n'obweraliikirivu ndi na kamaala, aye okugema ebiragiro byo kunsangaaza.

Ensambo 1:27

Ebitiisa lwe biribaidhira ni bibeeyughaku ng'oti kiwunga, obuzibu obutaloodheka ni bubeezungulula ng'oti n'empewo eyeezungulula n'amaani, ni bibaleetera okulumwa n'okweinhamira,

Ensambo 24:34

n'ebireetera obwavu okulumba omuntu ng'oti mukambuzi, n'obwetaavu okumweyongeraku ng'oti n'ole omunhazi ali n'ekiisi y'anhazeeku ebibye.

Ensambo 6:11

n'ebireetera obwavu okubalumba ng'oti mukambuzi, n'obwetaavu okubeeyongeraku ng'oti n'abantu omunhazi ali n'ekiisi b'anhazeeku ebyaibwe.

Isaia 13:3

Nze Musengwa Katonda mwene ninze ndagiire abalonde bange, abalwani bange abo ab'amaani mbeese okubonereza abo be nsungughaliire.”

Yeremia 36:29

Era kyabazinga oyo omukobe oti, ‘Wayokya enzingo y'ekitabo era waabuuza Yeremia lwaki yaghandiika ati kyabazinga ow'e Babilonia aliidha yaazikiriza ensi eno, era yaita abantu baamu n'ensolo dhaamu.’

Ab'e Roma 2:9

Abantu boonaboona abakola ebibi balifuna okudaagadaaga n'obulumi, okwinhamira ku Bayudaaya memale kwireku abamaghanga agandi.