Yobu 14:5 - Baibuli Ekibono kya Katonda 2014

⁵ Buli muntu wamusaliragho enaku dh'alighangaala, waamugerera n'emyezi era waamupimira ekiseera kye, ky'ataghanga kuswisaagho.

Yobu 14:5 ပူးပေါင်းရင်းမြစ်များ

Yobu 12:10

Buli kintu ekiramu kiri mu mikono gye; obulamu bw'abantu bwona n'abufuga.

Yobu 14:14

Omuntu bw'afa amala yairamu obulamu? Aye nze nandiguminkiriiza mu bizibu bino, okutuusa lwe nandirekwirwa.

Yobu 16:22

Kuba emyaka mitono gye nsigaiza, ntambule okuja eyo ye ntaliva kwira.”

Yobu 21:21

Kuba bwe bamala okufa baba bakaafaayo ki ku bituuka ku b'omu maka gaibwe?

Yobu 7:1

“Obulamu bw'omuntu buba bwa kukakaalukana ku nsi. Enaku dhe dhoonadhoona dhaaba dha kukola mirimo mikalangufu.

Zabbuli 104:29

Bw'otabifaaku biwaamu inho omwoyo; bw'obitoolamu omuuka gwo, olwo nga bifa, nga biirayo mu nkungu mwe by'ava.

Zabbuli 104:9

Wataagho ensalosalo ye gatateekwa kubitaku galobe kwiramu kabiri kughemba ku nsi.

Zabbuli 139:16

Amaiso go gaabona ebitundu byange nga bikaali na kukolebwa. Enaku edh'obulamu bwange dhaaghandiikibwa mu kitabo kyo nga dhikaali na kutoolera.

Zabbuli 31:15

Obulamu bwange buli mu ngalo dho; ntoola mu ngalo dh'abazigu bange abankiriga.

Zabbuli 39:4

“Wo Musengwa Katonda, nkusaba ommanhise enkomerero yange n'ekigero ky'enaku dhange, mmanhe obumpi bw'obulamu bwange.”

Omulangirizi 3:2

Ekiseera eky'okuzaalibwa, n'ekiseera eky'okufa; ekiseera eky'okusiga, n'ekiseera eky'okukungula ebyasigibwa.

Omulangirizi 8:8

Ghazira muntu ali na buyinza bwa kulobera ku bulamu bwe, oba okusalagho olunaku lw'alifiiraku. Ng'olutalo bwe lutaganha ole alulimu okuluvaamu, n'ekibi kityo bwe kitalekula ole akikoze.

Danieli 11:36

“Kyabazinga wa Siria oyo alikola nga bw'ayenda, yeegulumiza era yeekudumbaza ng'alowooza ati n'asinga bakatonda boonaboona. Alyogera ebintu ebitiisa einho ku Katonda asinga bakatonda boonaboona. Era ebintu birimujiira bukalamu okutuusa Katonda lw'alimumaliraku obusungu bwe kuba Katonda oyo kye yategeka kiri n'okutuukirira.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Danieli 5:26

Amakulu gaabyo ni gano: ‘OKUBALA,’ Katonda amaze okubala enaku edh'obwakyabazinga bwo, yaabona nga dhiwoireku.

Danieli 5:30

Obwire bwene obwo Beleshazzari oyo, kyabazinga Omubabilonia, yaitibwa.

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

Ebikolwa by'Abatume 17:26

Mu muntu omulala Katonda ye yatonda, n'omwava amaghanga goonagoona ag'abantu agabunia ensi. Yasooka okubateeragho ebiseera ebigere, n'ensalo edh'ebifo mwe banaabanga.

Abaheburayi 9:27

Era nga buli muntu bw'ali n'okufa omukuzi omulala, era ng'amaze okufa n'asalirwa omusango,

Okwolekebwa 1:18

ate era omulamu. Nali nfiire, aye mperaano ndi mulamu ebyanda n'ebyanda, era nfuga okufa n'amagombe.

Okwolekebwa 3:7

“Ghandiikira malaika ow'Ekikunsu eky'Abaikiriza mu Kurisito eky'e Filadelufia, oti: Oyo omutukuvu era ow'amazima, ali n'ekisumuluzo kya Daudi, aigulagho ni ghataba asobola kwigalagho, aigalagho ni ghataba asobola kwigulagho akoba ati:

1 Samueli 26:10

Daudi era yaakoba ati: “Nga Musengwa Katonda bw'ali omulamu, era mwene oyo n'alimwita entuuko dhe dhirituuka yaafa, oba alija mu lutalo yaafiira eyo.