Yobu 14:2 - Baibuli Ekibono kya Katonda 2014

² Omuntu akula yaaniala ng'oti kimuli, era yaabulagho yaaweekereragho ng'oti kinsense.

Yobu 14:2 ပူးပေါင်းရင်းမြစ်များ

1 Ebyomubyanda 29:15

Wo Musengwa Katonda, okiidhi bukalamu nga ku nsi kuno ife tuli ng'abatamanhiibwa y'oli, tuli basenze busenze abali mu lugendo, nga badhaadha baife boonaboona bwe baali. Enaku dhaife edh'oku nsi dhibitagho bubite ng'oti kinsense, tidhiraalagho naire.

Yobu 15:33

Aliba ng'oti muzabbibu ogukunkumusa ebibala byagwo ebikaali kwenga; era ng'oti muti mwoliva ogukunkumusa ekimuli.

Yobu 4:20

Okuzikirira kwaibwe tikutwala na kiseera. Baba balamu okuva ku nkyo, aye buja okutuuka eigulo nga babuzeegho, baaloba na kwidhukirwa.

Yobu 8:9

Kuba obulamu bwaife bumpi, tuzira kye twidhi; enaku dhe tumala ku nsi, dhiri ng'oti kinsense ekibita obubite.

Zabbuli 102:11

Obulamu bwange buwaagho ng'oti n'ekinsense ekyeigulo ng'endhuba egwire. Ndi ng'oti isubi erikala ni liwaagho.

Zabbuli 102:12

Aye iwe Musengwa Katonda oli kyabazinga ebyanda n'ebyanda era omanhiibwa abantu ab'ense n'ense.

Zabbuli 102:5

Olw'okuwowoola kwange okungi, nsigaire magumba meereere.

Zabbuli 144:4

Omuntu ali ng'oti muuka buuka gwa mu nhindo; enaku edh'obulamu bwe dhiri ng'oti kinsense ekibita obubite.

Zabbuli 37:2

kuba amangu n'embiro baja kuwaagho ng'oti isubi, baniale ng'oti n'ebimera.

Zabbuli 39:5

Bona, enaku dhange wadhikola nga nhimpi inho mu maiso go, obulamu bwange buli ng'akantu akazira ghe kaaga. Bwenebwene buli muntu ali ku nsi, ali ng'oti muuka buuka gwa mu nhindo!

Zabbuli 39:7

Wo Musengwa Katonda, nze nzira kindi kyonakyona kye neesiga, mu iwe mwe nsuubirira.

Zabbuli 92:12

Abatuufu baja kweyongeranga okuba obulungi ng'oti n'omuti omunaazi, era bakule ng'oti n'emivule egy'e Lebanoni.

Zabbuli 92:7

ati waire ababi bamera ng'oti isubi, abakozi b'ebibi kiisi kye bakola ni kibalamira, baategekerwa kuzikirira okw'olubeerera.

Omulangirizi 8:13

Aye aboonooni tibaidha kubanga bukalamu, era obulamu bwaibwe bwidha kubanga bumpi ng'oti n'ekinsense bwe kitalwagho, kuba tibatya Katonda.

Yakobo 4:14

ng'ate timwidhi bya nkyo. Aye obulamu bwaimwe mwidhi bwe buli? Buli ng'oti lufu bufu olubaaghooku akaseera obuseera ate ni luwaagho.

1 Petero 1:24

Kuba ebyaghandiikibwa bikoba biti: “Ebintu byonabyona ebiri n'omubiri biri ng'oti isubi, n'ekitiisa kyabyo kyonakyona kiri ng'oti kimuli kya isubi. Eisubi liniala n'ekimuli kyamagala,