Yobu 14:17 - Baibuli Ekibono kya Katonda 2014

¹⁷ Olwo wansonigha ebibi byange ebyo, waabitoolagho; waasasaagho ebisobyo byange ebyo.

Yobu 14:17 ပူးပေါင်းရင်းမြစ်များ

Yobu 14:18

Aye ensozi dhigwa dhaamulunguka, n'olubaale lwasiguukululwa mu kifo kya lwo.

Yobu 21:19

Imwe mukoba muti, ‘Katonda abonereza abaana olw'ebibi bya baiseibwe.’ Aye leka Katonda abonereze abo beene, baghange okumanha nti babonerezeibwa lwa bibi byaibwe ebyo.

Yobu 33:9

‘Nziraku musango, ghazira kikyamu kye nakola. Nziraku kye nvunaanibwa era nziraku kibi.

Yobu 9:20

Waire nga nziraku musango, bye ndhogera bigunsinza. Waire nga nziraku kye baananga, mwene ayoleka nga bwendi omukyamu.

Yobu 9:31

era oidha kunsuula mu kiina ekiidhwire obunhaga, n'engoye dhange dhineesinwe.

Yeremia 2:22

Ni bwe munaabisa saabbuuni omungi einho, era nsigala nga nkaabona ekimyamya ky'ebibi byaimwe.

Yeremia 32:10

Naata omukono ku ndagaano, twagisibaku akamanhiso okugikakasa, era naayeta n'abadhulizi baabagho. Agho twapima feeza oyo ku minzaani.

Hosea 13:12

Ekibi n'omusango eby'Abaisiraeli byaghandiikibwa bukalamu, byateebwa mu iterekero.

Amateeka Agokubiri 32:32

Boonooni ng'oti n'ab'e Sodoma n'e Gomorra. Bali ng'oti n'amasamba g'emizabbibu, agabala emizabbibu egikaagha era egy'obutwa.

Amateeka Agokubiri 32:34

Musengwa Katonda aidhukira abazigu ba Isiraeli abo kye bakoze, era ali kuteega ekiseera ky'ategeike kituuke, memale ababonereze;