Yobu 14:1 - Baibuli Ekibono kya Katonda 2014

¹ “Buli muntu azaalibwa mukazi, era obulamu bwe buba bumpi ate nga bwidhwire bizibu.

Yobu 14:1 ပူးပေါင်းရင်းမြစ်များ

Amainhama 3:17

Yaakoba omusaadha ati: “Olw'okuba wawulirisa mukazi wo bye yakukoba, waalya ku kibala eky'omuti gwe nabalobera okulyaku, eitaka likolimiirwa. Mu kufaabiikana mw'onaatoolanga eky'okulya, enaku dhoonadhoona edh'obulamu bwo.

Amainhama 47:9

Yakobo yairamu ati: “Emyaka gye naakamala ku nsi, nga ntambulatambula ng'omusenze, giri kikumi n'asatu. Emyaka egyo gibaire mizibu era nga mitono, tigyaze na myaka emingi badhaadha bange gye baamala ku nsi nga batambulatambula ng'abasenze.”

2 Bakyabazinga 4:19

Yaalirira ise ati: “Omutwe guli kundhita, omutwe guli kundhita!” Ise yaakoba omugheereza we ati: “Mubbeede omutwale ye inhina.”

Yobu 10:20

Obulamu bwange tibusigaizaayo bwa nnaku ntono dhiti? Kale ni ndeka nsangaaleku akatono,

Yobu 15:14

Omuntu obuntu asobola okuba omulongoofu? Omuntu eyazaalibwa obuzaalibwe, Katonda aghanga okumubala ati mutuufu?

Yobu 25:4

Ghaligho omuntu yeenayeena asobola okuba omutuufu mu maiso ga Katonda? Omuntu eyazaalibwa obuzaalibwe, aghanga okuba omulongoofu?

Yobu 25:5

Mu maiso ga Katonda, ni bwe guba omwezi tigwaka ni guboneka, n'emuunienie dhiba ng'oti dhizira butangaavu.

Yobu 5:7

Aye abantu beene n'abaazaalirwa okuba n'ebizibu, ng'oti n'obusambuka bw'omuliro bwe busambukira ghaigulu nga buva ku muliro.”

Yobu 7:1

“Obulamu bw'omuntu buba bwa kukakaalukana ku nsi. Enaku dhe dhoonadhoona dhaaba dha kukola mirimo mikalangufu.

Yobu 7:6

Enaku edh'obulamu bwange dhiziinhuuka okusinga empiso ey'ekyalaani; dhiwaaku mangu nga nzira isuubi lye ndi na lyo.

Yobu 8:9

Kuba obulamu bwaife bumpi, tuzira kye twidhi; enaku dhe tumala ku nsi, dhiri ng'oti kinsense ekibita obubite.

Yobu 9:25

“Enaku dhange dhirumuka embiro okusinga omulumusi; dhiwaaku nga nze tidhifuniemu kalungi.

Zabbuli 39:5

Bona, enaku dhange wadhikola nga nhimpi inho mu maiso go, obulamu bwange buli ng'akantu akazira ghe kaaga. Bwenebwene buli muntu ali ku nsi, ali ng'oti muuka buuka gwa mu nhindo!

Zabbuli 39:6

Buli muntu ali ng'oti kinsense! Atawuka, yaazunga, aye nga byonabyona bya bwereere. Omuntu atakabana okufuna eby'obukombe, aye nga taidhi aja kubitwala.

Zabbuli 51:5

Bona, nagwa mu nda ya maama nga ndi mu kibi; nazaalibwa nga ndi mwonooni.

Zabbuli 89:47

Wo Musengwa Katonda, idhukira obulamu bwange nga bwe buli obumpi! Obulamu obw'abantu boonaboona muzira muganhulo!

Omulangirizi 2:17

Kale naakyagha obulamu, kuba kiisi ekikolebwa ku nsi kiinumya bulumye. Byonabyona biziramu muganhulo, biri ng'oti kubinga mpewo ogigeme.

Omulangirizi 2:23

Ekiseera eky'obulamu bwe akimala mu bulumi na kweraliikirira, n'obwire yaaloba kutenduka, kuwuumuza ku birowoozo. Ekyo kyona muzira muganhulo.

Yeremia 20:18

Kale lwaki nazaalibwa? Nazaalibwa kubona nnaku na kudaagadaaga, na kutuusa kufiiririra nga ndi mu buswavu?

Matayo 11:11

Bwenebwene ka mbakobere, mu baali bazaaliibwa abakazi timubangamu asinga Yoanne Omubatiza, ate ng'asembayo mu Bwakyabazinga obw'omu igulu amusinga.