Yobu 13:24 - Baibuli Ekibono kya Katonda 2014

²⁴ “Ku lwaki oneegisaaku, n'ondheta omuzigu wo?

Yobu 13:24 ပူးပေါင်းရင်းမြစ်များ

Yobu 10:16

Bwe nkola ekintu ekindeetera okwenhumiriza, oba ng'oti mpologoma wandhiiga; waakola ebyewuunhisa okuunumya.

Yobu 10:17

Onumba buyaaka okundaazadaaza weeyongera okunsungughalira era wansindikira ebizibu kamaala, ebiri ng'oti n'ebikunsu kamaala eby'abalwani ab'amaani.”

Yobu 10:2

Ndidha kukoba Katonda nti otansalira bwa musango kunsinga, aye mmanhisa ky'onvunaana.

Yobu 16:9

Katonda ankyaye era mu busungu bwe yandhuzayuza; omuzigu wange oyo antunguliire amaiso.

Yobu 19:11

Angemeirwa obusungu obwaka ng'oti muliro; ali kumbisa ng'oti ndi muzigu we.

Yobu 19:22

Ku lwaki Katonda ankiriga, n'imwe mwena ni munkiriga? Okudaazibwadaazibwa okwo kwe ntuuseeku tikubamala?”

Yobu 30:21

Onfuukire mukambwe, wankiriga n'amaani go goonagoona.

Yobu 31:35

“Kale ngoli ghaligho awulirisa bye nkoba! Nkakasa nga bye nkoba bituufu. Aghanga Ebintu Byonabyona leka andhiremu. Ngoli omuntu yeenayeena aliku ky'anvunaana ampa omusango mu bughandiike,

Yobu 33:10

Aye Katonda yeegemya ensonga edhiziramu, yambisa ng'oti muzigu we.

Zabbuli 10:1

Wo Musengwa Katonda, lwaki oba ghala otyo? Lwaki weegisa mu biseera ebizibu?

Zabbuli 13:1

Wo Musengwa Katonda, olikituusa gha obutanfaaku! Byanda na byanda? Olikituusa gha obutenda kuuningaku?

Zabbuli 44:24

Lwaki otwegisaaku? Lwaki oleka ni batukiriga era ni batudaazadaaza?

Zabbuli 44:25

Batufuuta mu itaka baatutentena, twasigala agho nga twegolomoire gatuwoire.

Zabbuli 88:14

Wo Musengwa Katonda, lwaki onsuula ere n'oneerabira? Lwaki toyenda na kuuningaku?

Isaia 8:17

Ndidha kuteegerera Musengwa Katonda atubeere, waire nga mpegaano yeegisiisa ku bantu be. Oyo nze ye ndidha okusuubiriramu.

Okulira 2:5

Musengwa yafuuka ng'oti muzigu wa Baisiraeli yaabazikiriza; yaazikiriza ebisaagaati eby'abakungu byonabyona era yaamenhamenha ebifo eby'okwewogomamu byafuuka bifulukwa byereere. Yaaleetera okulira mu Bayudaaya okweyongera.

Amateeka Agokubiri 32:20

Agho yaakoba ati, ‘Ndidha kubalekulira agho, mbone enkomerero yaibwe bw'enaaba; kuba badankaanu era baziramu kwikiriza.

2 Ab'e Thessalonika 3:15

Mutamutwala ng'omuzigu aye mumulabule nga muganda waimwe.

1 Samueli 28:16

Agho Samueli yaamukoba ati: “Memale lwaki obuuza nze, oba nga Musengwa Katonda akulekuliire agho era ng'afuuse muzigu wo?