Yobu 12:15 - Baibuli Ekibono kya Katonda 2014

¹⁵ Bw'alobera amaadhi okugwa, ghabaagho endoboozi; bw'agaleka ni gagwa, omwidhuzo gughemba ensi.

Yobu 12:15 ပူးပေါင်းရင်းမြစ်များ

Amainhama 6:13

Katonda yaakoba Noa ati: “Nsazeegho okuzikiriza abantu boonaboona, kuba baleeteire ensi okwidhula ebikolwa byaibwe eby'obukambwe.

Amainhama 6:17

kuba bona, ndidha kuleeta omwidhuzo gw'amaadhi ku nsi guzikirize kiisi kiri na bulamu ekiri ghansi gh'eigulu. Buli kintu ku nsi kiidha kufa.

Amainhama 7:11

Mu mwaka ogwolukaaga (600) ogw'obulamu bwa Noa, mu mwezi ogwokubiri, ku lunaku olweikumi n'omusanvu olw'omwezi ogwo, enhindo dhoonadhoona edh'amaadhi ghansi mu itaka dhaasembuka, n'ebituli eby'oku igulu byaiguka.

Amainhama 8:1

Katonda yaidhukira Noa, era n'ensolo edh'omu nsiko, n'edho enfuge dhe yali nadho mu lyato. Katonda yaasindika empewo yaafuuwa ku nsi, amaadhi gaakendeera.

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 17:7

Bwe ghaabitaghooku ekiseera, akaiga kaakamiira olw'amaadhi obutagwa mu nsi eyo.

Yobu 12:10

Buli kintu ekiramu kiri mu mikono gye; obulamu bw'abantu bwona n'abufuga.

Yobu 28:25

Yagha empewo amaani, yaapimira amaadhi ghe gakanga.

Yeremia 14:22

Ku bakatonda ab'amaghanga agandi abaziramu makulu, ghaligho asobola okugwisa amaadhi? N'eigulu ku bwalyo lyonka lisobola okutoonhesa waire obw'olumiiyirizi? Ti niiwe Musengwa Katonda waife? Eisuubi lyaife lyonalyona liri mu iwe, kuba niiwe okola ebintu ebyo byonabyona.

Amosi 5:8

Musengwa Katonda n'eyakola emuunienie edheetebwa Puleyadesi ni Orioni. Oyo afuula aghabaire enzikiiza ni ghaaka akasana. Yairugaza obubaire omusana bwafuuka bwire. Era yaayetesa amaadhi ag'omu nhandha yaagafuka ku bukalu. Eriina lye ni Musengwa Katonda.

Nahumu 1:4

Alagira enhandha yaakala, era akaliiza emiiga. Olwo emisiri egy'e Bashani gyawotoka, ate n'egy'oku lusozi Karumeli gyakala era n'ebimuli eby'oku nsozi edh'e Lebanoni byona byakala.

Luka 4:25

“Aye mbakobera mu butuufu bwene: Mu byanda bya Eliya, banamwandu baali kamaala mu Isiraeli eigulu bwe lyesiba emyaka esatu n'emyezi omukaaga, endhala ey'amaani n'egwa mu nsi woonawoona.

Amateeka Agokubiri 11:17

Bwe mulikola mutyo, obusungu bwa Musengwa Katonda bulibatumbukiraku ng'oti muliro, Musengwa Katonda oyo yaalobera amaadhi okugwa, ensi yaakala yaaloba kubaza mere, era mwazikirira mangu, waire nga muliba mu nsi engimu Musengwa Katonda y'ali kubagha.

Okwolekebwa 11:6

Abo bali n'obukumu okukingula amaadhi gaaloba kugwa mu kiseera kye bamala nga bakobera abantu ebibono bya Katonda. Era bali n'obukumu obw'okufuula amaadhi omusaayi, n'okuleeta ku nsi ebibamba ebya buli nsambo, buli ghe baba nga bendeire.