Yobu 12:10 - Baibuli Ekibono kya Katonda 2014

¹⁰ Buli kintu ekiramu kiri mu mikono gye; obulamu bw'abantu bwona n'abufuga.

Yobu 12:10 ပူးပေါင်းရင်းမြစ်များ

Amainhama 2:7

Agho Musengwa Katonda yaawumba omuntu mu itaka, yaamufuuwa mu nhindo omuuka ogw'obulamu olwo omuntu yaatoolera okuba omulamu.

Amainhama 6:17

kuba bona, ndidha kuleeta omwidhuzo gw'amaadhi ku nsi guzikirize kiisi kiri na bulamu ekiri ghansi gh'eigulu. Buli kintu ku nsi kiidha kufa.

Yobu 27:3

nga nkaali mulamu era nga nkaagheera omuuka Katonda mwene oyo gwe yampa,

Yobu 27:8

Atatya Katonda kiki ky'asuubirayo, nga Katonda amukomiiza yaamutoolaku obulamu?

Yobu 33:4

Omwoyo gwa Katonda n'ogwantonda, omuuka ogw'oyo Aghanga Ebintu Byonabyona n'ogwampa obulamu.

Zabbuli 104:29

Bw'otabifaaku biwaamu inho omwoyo; bw'obitoolamu omuuka gwo, olwo nga bifa, nga biirayo mu nkungu mwe by'ava.

Zabbuli 104:30

Aye bw'obigha omuuka gwo bitondebwa, n'ensi yaafuna obulamu obuyaaka.

Omulangirizi 9:1

Ebyo byonabyona nabirowoozaaku inho era naabyekebeedha, naabona nga Katonda n'afuga abatuufu n'abagezi, n'ebyo bye bakola. Aye tibasobola kumanha oba nga Katonda oyo abagonza oba abakyagha. Ebintu byonabyona ebija okubatuukaku ye bwidha biziramu muganhulo

Isaia 42:5

Musengwa Katonda n'eyatonda eigulu yaalibambagho, era yaayandhagho ensi yaagitaamu n'ebigirimu byonabyona. Abantu ababa mu nsi eyo ni bagitambuliramu, yabataamu omuuka gwe bagheera n'omwoyo ogw'obulamu. Era Musengwa Katonda oyo akoba omugheereza we ati:

Isaia 57:16

Ninze nafuuwa omuuka ogw'obulamu mu bantu bange, era tiribasungughaliranga bujiiririire waire okubavunaananga emisango buliidho kuba ekyo kisobola okubaleetera okufa, ate nga ninze mwene eyabagha obulamu.

Danieli 5:23

Weekuluntaliiza ku Musengwa ow'eigulu. Waalagira baaleeta ebikopo ebyatoolebwa mu isinzizo lye, olwo iwe mwene n'abakungu bo, ni bakazi bo ab'omu ndhu n'ab'embali, mwabinhweramu omwenge ogw'emizabbibu. Era mwasaaka ebisinzibwa ebitali Katonda, ebitabona, waire okuwulira, oba okutegeera, bye baakola obw'omu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale. Aye mwaloba kuta kitiisa mu Katonda oyo agemereire obulamu bwaimwe era abalabirira mu buli nsambo.

Okubala 16:22

Aye Musa ni Aaroni baakutama n'ebyeni byatuuka ku itaka, baakoba bati: “Wo Katonda waife, niiwe ensimuko ey'obulamu obwa buli kintu. Omuntu omulala bw'akola ekibi osungughalira abantu boonaboona?”

Yoanne 3:6

Omubiri guzaalibwa mubiri, ate omwoyo gwazaalibwa Mwoyo.

Ebikolwa by'Abatume 17:25

Era oyo ghazira kye yeetaaga bantu kumukolera, kuba oyo n'abagha obulamu na buli kintu.

Ebikolwa by'Abatume 17:28

kuba, ‘Ku lulwe tuba balamu, tutambula era tubaagho.’ Era nga ku bandi abayesa endheso dhaimwe bwe bakoba bati: ‘Tuli izaire lye lyene.’