Yobu 11:8 - Baibuli Ekibono kya Katonda 2014

⁸ Bigulumivu okusinga eigulu. Oghanga kukola ki? Biika ghansi okusinga e magombe. Oghanga kubimanha otya?

Yobu 11:8 ပူးပေါင်းရင်းမြစ်များ

2 Ebyomubyanda 6:18

“Aye obwo bwenebwene iwe Katonda osobola okuba aghalala n'abantu ab'oku nsi? Ate oba waire mu igulu lyene, erisingayo okuba ghaigulu tosugamu, memale onaasuga otya mu isinzizo lino lye nzimbye!

Yobu 11:9

Bw'obipima bisinga ensi obunene, n'enhandha bigisinga obugazi.

Yobu 22:12

“Katonda ali ghaigulu mu igulu, era abona n'emuunienie ye dheeghaniike.

Yobu 26:6

E magombe ezira kikwekeibwa ku Katonda; abona byonabyona ebiri mu kifo ekyo eky'okuzikirira.

Yobu 35:5

Lingirira eigulu obone. Weekalirise ebire ebyeghaniike y'otatuuka.

Yobu 37:23

Okumanha nga Aghanga Ebintu Byonabyona wa bukumu inho, titusobola kuseeta gh'ali. Mutuufu, tasaliriza era azira muntu y'anhigiriza.

Yobu 38:17

Ghaligho eyaali akwoleikeku emiryango gy'e magombe, egingira mu nzikiiza aghakuumirwa abaafa?

Yobu 7:9

“Ng'ekire bwe kiwaagho ni kibula, n'omuntu aika e magombe atyo bw'atairayo kuboneka.

Zabbuli 103:11

Ng'eigulu bwe liri eghala einho n'ensi, n'okugonza kwe eri abo abamutya kutyo ye kukoma okuba okungi.

Zabbuli 148:13

Boonaboona ka basaake eriina lya Musengwa Katonda, kuba eriina lye n'erisinga agandi goonagoona obukologho; ekitiisa kye kiri ghaigulu okusinga ensi n'eigulu.

Zabbuli 36:6

Obutuufu bwo bugulumivu ng'oti nsozi, ate ensala yo ey'amazima eika yaatuuka ku ntobo ey'enhandha. Niiwe owonia abantu n'ensolo obutagwa mu kabi.

Ensambo 30:4

Naani eyaali aniinieku mu igulu, n'aniinukayo n'aika ku nsi? Naani eyaali asoloizaaku empewo n'agigemera mu ngalo dhe? Naani eyaali azingiireku amaadhi mu kivaalo kye? Naani eyataagho ensalosalo ensi kw'ekoma? Eriina lye naani, era mutabane naani, bw'oba ng'oidhi?

Isaia 55:9

Era ng'eigulu bwe liri ghaigulu einho okusinga ensi, n'engeri dhange dhityo bwe dhiri edha ghaigulu einho okusinga edhaimwe, n'ebidhuubo byange byaba bya ghaigulu inho okusinga ebyaimwe.

Amosi 9:2

Waire basima baatuuka e magombe, ndidha kubatuukaku mbatooleyo. Era waire baniina baatuuka mu igulu, ndidha kubaghanulayo.