Yobu 11:7 - Baibuli Ekibono kya Katonda 2014

⁷ Osobola okwagaaza ebifa ku Katonda Aghanga Ebintu Byonabyona, waabizuula waabimalayo?

Yobu 11:7 ပူးပေါင်းရင်းမြစ်များ

Yobu 22:12

“Katonda ali ghaigulu mu igulu, era abona n'emuunienie ye dheeghaniike.

Yobu 26:14

Aye ebyo katundu butundu ak'ebintu by'akola. Era bye tumuwuliraku n'ebitono einho. Obukumu bwe obw'amaani bw'ali nabwo naani asobola okubutegeera?”

Yobu 27:11

Ka mbeegerese imwe, nti Katonda wa bukumu, tiidha kubagisa bifa ku oyo Aghanga Ebintu Byonabyona.

Yobu 33:12

Aye ka nkukobere iwe Yobu nti oli mukyamu bw'okoba otyo. Katonda tomugeza ku muntu, kuba amusinga ghala inho.

Yobu 33:13

Ku lwaki omuvunaana olw'obutakwiramu by'okoba?

Yobu 35:5

Lingirira eigulu obone. Weekalirise ebire ebyeghaniike y'otatuuka.

Yobu 36:26

Bona eno, Katonda mukulu era titumwidhi mu bwidhuvu, emyaka gye tigibalika.

Yobu 37:23

Okumanha nga Aghanga Ebintu Byonabyona wa bukumu inho, titusobola kuseeta gh'ali. Mutuufu, tasaliriza era azira muntu y'anhigiriza.

Yobu 37:5

Okutyabuka kw'amamiro ga Katonda kwewuunhisa! Akola ebyewuninkiriza ebitulema okutegeera.

Yobu 42:3

Obuuziiza oti, ‘Niiwe ani okutakania entegeka yange, ng'oyogera ebyoleka obutamanha?’ Bwenebwene ndhogeire ebintu bye ntategeera, ebinswikiriire era ebiinemye okumanha.

Yobu 5:9

Oyo akola eby'amaani bye tutasobola kutegeera bukalamu, era n'ebyewuunhisa ebitabalika.

Zabbuli 139:6

Okuntegeera kwo okwaga agho kuneewuninkiriza, era kuswikiriire amagezi gange.

Zabbuli 145:3

Musengwa Katonda mukologho, era ni yenka agwaine okusinzibwa; ghazira muntu ategeera bukalamu bukologho bwe.

Zabbuli 77:19

Watambula ku nhandha, waakola akagira ku maadhi amangi, aye ebigere mw'obise byaloba kuboneka.

Ensambo 30:4

Naani eyaali aniinieku mu igulu, n'aniinukayo n'aika ku nsi? Naani eyaali asoloizaaku empewo n'agigemera mu ngalo dhe? Naani eyaali azingiireku amaadhi mu kivaalo kye? Naani eyataagho ensalosalo ensi kw'ekoma? Eriina lye naani, era mutabane naani, bw'oba ng'oidhi?

Omulangirizi 3:11

Yaakola buli kintu nga kija bukalamu mu kiseera kyakyo. Yaata mu bantu omwoyo ogwenda okumanha ebyaligho, n'ebirigho, era n'ebiribaagho, aye yaaloba kubagha kumanha mwene Katonda by'akola okuva mu kwinhama okutuuka ku nkomerero.

Omulangirizi 7:24

Ebintu ebirigho buti biswikiriire amagezi gaife. Titusobola kubitegeera ni tubimalayo. Naani asobola okubinoonerezaaku n'abitegeera?

Isaia 40:28

Obwo bwenebwene timukiidhi era timukiwulirangaku? Kale ni bwenebwene Musengwa Katonda oyo ni Katonda atawaagho, eyatonda ensi yoonayoona okuva y'eva okutuuka y'ekanga. Takoogha waire okuwaamu amaani. Era titusobola kutegeera bukalamu magezi ge.

Matayo 11:27

“Byonabyona Lata wange yabingemya, era ghazira aidhi Mwana okutoolaku Lata, waire aidhi Lata okutoolaku Mwana, n'oyo Mwana y'aba asiimye okumumanhisa.

Ab'e Roma 11:33

Bwenebwene ekisa kya Katonda n'amagezi ge, n'okumanha kwe, nga tibikoma! By'asalagho tibirowoozeka! Enkola ye nga temanhikana!

1 Ab'e Korintho 2:10

Aye niife Katonda be yamanhisa ekyama kye ng'abita mu Mwoyo we. Kuba Mwoyo aidhi buli kintu, era n'entegeka dha Katonda edh'omunda.

1 Ab'e Korintho 2:16

Ebyaghandiikibwa bikoba biti: “Naani aidhi okulowooza kwa Musengwa? Naani asobola okumugalagira?” Aye ife tuli n'okulowooza kwa Kurisito.

Ab'Efeso 3:8

Waire nga ninze asembayo mu batuukirivu boonaboona, Katonda yampa omukisa okukobera abamaghanga agandi Amawulire Amalungi, ag'obukombe obuli mu Kurisito obutaloodheka.