Yobu 11:6 - Baibuli Ekibono kya Katonda 2014

⁶ Yandikukobeire eby'amagezi ebigisiibwa, ebitaghanga kumanhika ni biwaayo. Kale ni manha nti Katonda ali kukubonereza katono okusinga bw'ogwaine.

Yobu 11:6 ပူးပေါင်းရင်းမြစ်များ

Ezera 9:13

Aye waire ng'ebyo byonabyona bitutuuseeku olw'ebikolwa byaife ebibi, n'olw'omusango omukologho ogutuliku, tubona nga iwe Katonda waife watugha ekibonerezo kitono inho ku ekyo ebibi byaife kye byali bigwaniire kuba watulekagho ife abaawonagho nga tuli bangi.

Yobu 11:5

Aye ha, nguli Katonda ayogera n'iwe maiso ku maiso.

Yobu 12:13

Katonda ali n'amagezi n'obuyinza; ali n'okutetenkania n'okutegeera.

Yobu 15:11

Katonda by'akukolera okukugumya, obitwala nga bitono inho y'oli? Tukukobeire ebibono ebikalamu ku lulwe.

Yobu 15:5

Ebibi byo byeyolekera mu ebyo by'oyogera, era okozesa lulimi lwa buguya.

Yobu 15:8

Katonda bweyali ng'ateesa mu igulu waliyo? Niiwe wenka omugezi?

Yobu 22:5

Busa, akuvunaana lwa bibi byo ebingi n'ebyonoono byo ebitakoma.

Yobu 28:28

Yaakoba abantu ati, ‘Bona, mu kutya Musengwa Katonda n'omuli amagezi; mu kwesamba ekibi, n'omuva okutegeera.’ ”

Yobu 33:12

Aye ka nkukobere iwe Yobu nti oli mukyamu bw'okoba otyo. Katonda tomugeza ku muntu, kuba amusinga ghala inho.

Yobu 9:4

Katonda mugezi era wa maani. Naani aghanga okumwetantala? Ghazira aghanga kwetantala Katonda.

Zabbuli 103:10

Tatubonereza nga bwe tugwaniire olw'ebibi bye tukola, waire okutusasula ekibonerezo ekituukana n'okwonoona kwaife.

Zabbuli 25:14

Musengwa Katonda aba mukagwa w'abo abamutya, era akakasa endagaano ye nabo.

Okulira 3:22

Okugonza kwa Musengwa tikukoma n'ekisa kye tikiwa.

Danieli 2:28

Aye ghaligho Katonda mu igulu ayoleka ebyama. Oyo n'ali kukumanhisa ebija okubaagho mu biseera eby'oluvainhuma. Mpegaano ni, ka nkukobere kye wabona mu kirooto ng'otendwike mu buliri bwo.

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Matayo 13:35

Kino ni kyatuukiriza omulanzi kye yakoba ati: “Ndyogeranga mu nfumo, ndyatula ebitaatulwanga okuva ku kwinhama okw'ensi.”

Ab'Efeso 3:5

Mu byanda eby'eira ghazira muntu yeenayeena eyamanhisibwaku ku kino mu nsambo oti n'eno Mwoyo y'akyolekamu Abatume be n'abalanzi be abatukuvu.

Amateeka Agokubiri 29:29

Musa yaayongera okukoba ati: “Ebintu Musengwa Katonda waife by'atatumanhisa, bisigala nga bya kyama. Aye yatumanhisa amateeka ge, ife ni baidhukulu baife, tughange okugakuumanga enaku dhoonadhoona.”