Yobu 10:21 - Baibuli Ekibono kya Katonda 2014

²¹ nga nkaali kuja mu nsi eyo ey'ekinsense n'enzikiiza etiisa einho, ye ntaja kuva naire;

Yobu 10:21 ပူးပေါင်းရင်းမြစ်များ

2 Samueli 12:23

Aye buti amaze okufa, kale lwaki nsiiba? Nkaaghanga okumwiza? Luliba lulala nze naaja y'ali, aye mwene taja kwira ye ndi.”

2 Samueli 14:14

Twenatwena tuja kufa, era tuli ng'oti maadhi agayuyiike ku itaka omuntu g'atasobola kuyoolagho kabiri. Aye Katonda taja kutwala bulamu bwa muntu ali kusala amagezi ag'okwiza oyo ye baabinga ali kudaagiradaagira eyo.

Yobu 10:22

ensi egemye enzikiiza bedimudimu, eidhwire okutabukatabuka, era obutangaavu ye buli ng'oti nzikiiza.”

Yobu 16:22

Kuba emyaka mitono gye nsigaiza, ntambule okuja eyo ye ntaliva kwira.”

Yobu 17:13

E magombe ni yonka ye nsuubira okuba amaka gange, neeyalire eyo obuliri, ntenduke mu nzikiiza.

Yobu 3:13

Kuba olwo nandifiire naasirika, era nanditendwike naawuumula,

Yobu 3:5

Enzikiiza etiisa einho erutwale. Ekire kiruwembeku endhuba erobe kulwakaku, lwidhule okutya.

Yobu 34:22

Ghazira kinsense waire nzikiiza egemye bedimudimu, abakola ebibi mwe baghanga okwegisa ku Katonda.

Yobu 38:17

Ghaligho eyaali akwoleikeku emiryango gy'e magombe, egingira mu nzikiiza aghakuumirwa abaafa?

Zabbuli 23:4

Era ni bwemba nga ndi kutambulira mu kikonko ekiidhwire enzikiiza etiisa ng'oti kufa, ezira kibi kye ntyamu, kuba iwe oli ninze. Mpulira emiraala bw'oba ng'ogemye omwigo gwo ogunkuuma, era ng'ogemye n'ogwo ogundholeka engira.

Zabbuli 39:13

Otaaningirira na bukambwe, ndeka nfuneku eisanhu, nga nkaali kufa na kubulagho.

Zabbuli 49:20

Ebitiibwa by'omuntu tibimulobera kufa, awaagho ng'ensolo bwedhiwaagho.

Zabbuli 88:13

Wo Musengwa Katonda, aye nze nkulirira, era buli nkyo nkusaba.

Zabbuli 88:6

Wansuula mu magombe eyo ghansi einho era mu nzikiiza.

Omulangirizi 11:8

Omuntu bw'aghangaala emyaka emingi, agwaine agisanhukirengamu gyonagyona. Aye ate aidhukirenga ng'enaku edh'okuba mu kizikiiza ng'afiire dhija kuba kamaala. Ebyo byonabyona ebiriidha biziramu muganhulo.

Omulangirizi 9:10

Buli mulimo gw'okola gukolenga na maani, kuba eyo e magombe y'olija ezira kukola oba okubaayo okulowooza, era ezira kumanha waire okubaayo amagezi.

Isaia 38:11

Nali nkoba nti olwo tikairayo kubona Musengwa Katonda, mu nsi ey'abalamu, waire okwirayo okubona abantu abagibaamu.

Yeremia 2:6

Baaloba okwebuuzaaku naire bati, ‘Musengwa Katonda ali gha? Oyo n'eyatutoola mu nsi Misiri, yaatubisa mu irungu, mu nsi enkalu eidhwire ebiina, eziramu maadhi era ey'akabi, eziramu muntu agibitamu, era etabaamu bantu.’