Yobu 1:5 - Baibuli Ekibono kya Katonda 2014

⁵ Enaku edh'embaga dhaibwe bwe dhaawangaku, Yobu yaabeetanga okubatukuza. Yaawuunanga mu nkyo, yaagheerayo buli muntu ekigheebwayo ekyokebwa. Kuba Yobu yakobanga mule ati: “Tomanha baana bange bwe baba nga baliku ekibi kye bakoze, ni bavuma Katonda mu myoyo gyaibwe.” Atyo Yobu bwe yakolanga buliidho.

Yobu 1:5 ပူးပေါင်းရင်းမြစ်များ

Amainhama 22:3

Bwe bwakya enkyo, Aburahamu yaawuuna yaayasaaga enku edh'okwokya ekigheebwayo, yaatwika endogoyi ye. Yaatwalaku babiri ku bagheereza be, n'omwana we Isaaka, yaatoolera okuja mu kifo Katonda kye yali amukobye.

Amainhama 6:5

Musengwa Katonda yaabona ng'omuntu ku nsi afuuse mubi inho era ng'ebidhuubo bye bibi ekiseera kyonakyona.

Amainhama 8:20

Agho Noa yaazimbira Musengwa Katonda alutaari, era yatoola ku buli nsolo nongoofu, ni ku buli nhonhi nongoofu, yaaghaayo ebigheebwayo ebyokebwa ebiromba ku alutaari.

1 Bakyabazinga 18:31

Yaatoola amabaale ikumi n'abiri, ng'ajiira ku bungi obw'ebika eby'abantu ebisimuka mu Yakobo. Yakobo oyo, Musengwa Katonda ye yakoba ati: “Oidha kwetebwanga Isiraeli.”

1 Bakyabazinga 21:10

Olwo muleete mu maiso ge abantu babiri abazira kye bagasa, bamulumirize bati, ‘Wavuma Katonda era waavuma ni kyabazinga.’ Memale olwo mumutoolegho, mumutwale mumukube amabaale afe.”

1 Bakyabazinga 21:13

Abantu babiri abazira kye bagasa baidha baatyama mu maiso ge, era baamulumiriza mu maiso g'abantu nga bakoba bati: “Nabothi yavuma Katonda era yaavuma ni kyabazinga.” Kale abantu baamutwala kuliya kw'ekibuga, baamukuba amabaale, yaafa.

Nehemia 12:30

Agho bakabona n'Abalevi baakola omukolo ogw'okwetukuza, n'okutukuza abantu, n'emiryango, n'ekimante ekyezungulwire ekibuga.

Yobu 1:11

Aye mpegaano golola omukono gwo omutooleku byonabyona by'ali nabyo, aja ku kuvuma ng'obona n'okubona.”

Yobu 1:4

Batabane be baafumbanga embaga mu mpalo, buli mulala mu ndhu ye, baayeta baanhinaibwe abasatu, baidha okulya n'okunhwa nabo.

Yobu 2:9

Agho mukazi we yaamukoba ati: “Era okaagumiire ku bwesigwa bwo? Vuma Katonda, ofe.”

Yobu 27:10

Ti n'omuntu asanhukira einho okusinza oyo Aghanga Ebintu Byonabyona, n'okumweghemba ekiseera kyonakyona.

Yobu 41:25

Bw'ekola eti n'esituka, n'emisambwa gitya. Gyezinduka gyabula eky'okukola.

Yobu 42:8

Kale ni, mpegaano mutwale ente enume musanvu, n'entaama enume musanvu eri omugheereza wange Yobu, mugheeyo ku lwaimwe ekigheebwayo ekyokebwa. Omugheereza wange Yobu aidha kubasabira, era ndidha kuganha by'anaabasabira, ndobe kubakolaku ng'obusirusiru bwaimwe bwebubagwaniza. Kuba timundhogeireeku bituufu ng'oti n'omugheereza wange Yobu bw'ayogeire.”

Yobu 6:14

“Omuntu ali mu buzibu ng'oti ni buno bwe ndimu, agwaine okuyambibwa baine, ni bw'aba nga yeegaine Katonda oyo Aghanga Ebintu Byonabyona.

Yobu 8:4

Abaana bo bateekwa okuba nga baakola ekibi baamusungughaza, kyeyava n'abagha ekibonerezo kyaibwe ekibasaana.

Zabbuli 5:3

Mpuuna bwe pwi pwi pwi naakusaba, wampulira. Mu nkyonkyo neetegeka okuwulira ebiva y'oli.

Okuvaayo 18:12

Agho Yethuro yaataagho ekigheebwayo ekyokebwa kyonakyona okuwaagho, n'emisengo egindi egy'okughaayo eri Katonda. Aaroni n'abakulu ab'ebikunsu mu Isiraeli boonaboona baidha balya ni mukoirume wa Musa mu maiso ga Katonda.

Okuvaayo 19:10

Musengwa Katonda yaamukoba ati: “Ja y'abantu obatukuze olwaleero n'idho, era booze ebivaalo byaibwe,

Okuvaayo 24:5

Yaatuma abaisuka Abaisiraeli baaja baaghaayo ye Musengwa Katonda ebigheebwayo ebyokebwa n'emisengo egy'okutabagana, nga baghaayo ente.

Omulangirizi 9:10

Buli mulimo gw'okola gukolenga na maani, kuba eyo e magombe y'olija ezira kukola oba okubaayo okulowooza, era ezira kumanha waire okubaayo amagezi.

Yeremia 4:14

Imwe ab'e Yerusalemu, munaaze emyoyo gyaimwe mugimalemu ebibi, memale mulokolebwe. Mulituusa li okubanga n'ebirowoozo ebibi mu myoyo gyaimwe?

Ezekieli 14:14

Abantu bano abasatu: Noa, Danieli ni Yobu, ni bwe bandigibairemu, bandiwoniizaagho bwa bulamu bwaibwe bwonka olw'obutuufu bwaibwe.” Musengwa Katonda atyo bw'akoba.

Luka 1:75

mu maiso ge, mu butukuvu ni mu mazima enaku edh'obulamu bwaife dhoonadhoona.

Luka 18:7

Memale obwo Katonda bw'atalitawulula abalonde be abamusaba omusana n'obwire? Mbo bw'alirwa okubayamba?

Yoanne 11:55

Mperaano Ekibinuko eky'Okubitizibwa eky'Abayudaaya kyali kiri kumpi okutuuka. Abantu kamaala baava mu byalo baaja e Yerusalemu okwetukuza ng'Ekibinuko ekyo kikaali kutuuka.

Ebikolwa by'Abatume 21:26

Agho Paulo yaatwala abasaadha abo, era ku lunaku olwairirira yeetukuza nabo. Yangira mu isinzizo okumanhisa enaku dhe banaamala mu kutukuzibwa, era n'ekiseera eky'okugheerayo ekirabo ku lwa buli mulala.

Ebikolwa by'Abatume 8:22

Kale ni weenenie ekirowoozo kyo ekyo ekibi, weeghembe Katonda tomanha bw'akusonigha ekidhuubo ekyo ekiri mu mwoyo gwo.

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.

2 Ab'e Korintho 11:2

Mbawubira era nga Katonda bw'abawubira, kuba nabandhula ye Kurisito ng'omughala omwegha ye baja okugha iba omulala ati.

Ab'Efeso 6:18

Buliidho musabenga, nga Mwoyo bw'anaabanga abagalagiire. Mubenga beetegefu nga timwiririra, musabirenga abatuukirivu boonaboona.

1 Samueli 16:5

Yaabairamu ati: “Na miraala. Ndidhie kughaayo musengo eri Musengwa Katonda. Mukole mwetukuze, mwidhe ninze okughaayo omusengo.” Agho yaatukuza Yesse ni batabane be, era yaabeeta ku kughaayo omusengo ogwo.