Yobu 1:3 - Baibuli Ekibono kya Katonda 2014

³ Yali n'entaama kasanvu (7,000), engamiya enkumi isatu (3,000), ente edhirima lukumi (1,000), endogoyi enkazi ebikumi bitaanu (500), era n'abairu kamaala inho. Omusaadha oyo n'eyali asinga okuba omukombe mu bantu ab'e buvandhuba boonaboona.

Yobu 1:3 ပူးပေါင်းရင်းမြစ်များ

Amainhama 12:16

Era ku lulwe, kyabazinga yaabisa Aburamu bukalamu yaamugha entaama, n'ente, n'endogoyi enume n'enkazi, n'abairu abasaadha n'abakazi, era n'engamiya.

Amainhama 12:5

Yatwala mukazi we Sarai, ni Loti omwana wa muganda we, n'ebintu byaibwe byonabyona bye baali nga bagheziiza, era n'abantu be baali bafuniire e Harani. Kale baatoolera olugendo oluja mu nsi ey'e Kanaani. Bwe baatuuka mu Kanaani,

Amainhama 13:6

aye ng'eitaka tiribamala bombi kuba ghalala, olw'okuba ebintu byaibwe byali kamaala inho.

Amainhama 24:35

Musengwa Katonda yagha musengwa wange Aburahamu enkabi edhitaloodheka, yaamufuula mukombe inho. Yamugha ebyayo kamaala: ente, embuzi n'entaama. Era yaamugha feeza ni zaabu, n'abairu abasaadha n'abakazi, n'engamiya era n'endogoyi.

Amainhama 25:6

Aye Aburahamu oyo bweyali ng'akaali mulamu, yagha abaana be ab'abakazi ab'embali ebirabo. Yabasindika mu nsi ey'e buvandhuba, bave aghali omwana we oyo Isaaka.

Amainhama 29:1

Agho Yakobo yeeyongera okutambula, yaatuuka mu nsi y'abantu ab'e buvandhuba.

Amainhama 32:14

nga n'omuli embuzi enkazi ebikumi bibiri, n'enume amakumi abiri entaama enkazi ebikumi bibiri, n'enume amakumi abiri.

Amainhama 34:23

Ente dhaibwe n'ebintu byaibwe era n'ensolo dhaibwe dhoonadhoona dhiriba dhaife. Kale twisanie nabo, babenga ghalala n'ife.”

2 Samueli 12:2

Omukombe yali n'ebyayo kamaala: entaama, n'embuzi, n'ente.

1 Bakyabazinga 4:30

Amagezi ga Solomoni nga gasinga amagezi ag'abantu b'e buvandhuba n'ag'abagezi ab'e Misiri goonagoona.

2 Bakyabazinga 15:20

Empiiya edho dhe yagha kyabazinga w'e Siria, Menahemu yadhisoloza ku basaadha boonaboona abakombe ab'omu Isiraeli. Kiisi musaadha yaghaayo ebitundu amakumi ataanu ebya feeza. Agho Puli kyabazinga w'e Siria yaakyuka yairayo, yaaloba kusigala mu nsi eyo Isiraeli.

2 Bakyabazinga 3:4

Ghaabaagho Mesha kyabazinga wa Moabu eyali omwayi w'entaama. Buli mwaka ng'ali n'okugha kyabazinga wa Isiraeli entaama ento emitwalo ikumi (100,000), n'obuviiri obwavanga ku ntaama emitwalo ikumi (100,000) enume.

1 Ebyomubyanda 27:30

Obili Omuishimaeli n'eyalabiriranga engamiya Yehedeia ow'e Meronothi yaalabiriranga endogoyi

2 Ebyomubyanda 26:10

Era yaazimba ebituuti ebirengererwaku mu irungu, yaasima n'ensulo kamaala, kuba yali n'ebyayo kamaala mu biketezo eby'omu biiko n'eby'oku museetwe. Era yali n'abalimi abaalabiriranga emizabbibu mu nsozi, ni mu itaka eigimu, kuba yayendanga inho okulima.

2 Ebyomubyanda 32:29

Era yaazimba ebibuga kamaala, yaafuna entaama n'embuzi n'ente kamaala, kuba Katonda yamugha ebintu kamaala inho.

Yobu 1:10

Wamukolera olukomera okumwezunguluza mwene n'amaka ge, n'ebibye byonabyona by'ali nabyo. By'akola byonabyona obigha enkabi, n'obukombe bwe, bweyongeire obungi mu nsi.

Yobu 1:4

Batabane be baafumbanga embaga mu mpalo, buli mulala mu ndhu ye, baayeta baanhinaibwe abasatu, baidha okulya n'okunhwa nabo.

Yobu 21:28

Kuba mubuuza muti, ‘Endhu y'omukungu eri luuyi gha? Amaka ag'eyakolanga ebibi gali luuyi gha?’

Yobu 29:25

Nabanga mubbede mu bo, naabasalirangagho eky'okukola. Nababangamu ng'oti ni kyabazinga mu igye lye; era ng'oti n'omuntu ali kugumya abafiiriirwa.”

Yobu 31:25

Tibangaku musangaavu lwa bukombe bwange bungi, waire okwesiima olw'empiiya kamaala.

Yobu 31:37

Nandikobeire Katonda byonabyona bye nakola; nandyemereire mu maiso ge nga ndi mugumu ng'oti muntu mubbede.

Yobu 42:10

Agho Yobu bwe yamala okusabira bakagwa be, Musengwa Katonda yaamwirizaagho obukombe bwe; nga bwe yali nabwo mu mainhama okubyamu emikuzi ebiri.

Yobu 42:12

Musengwa Katonda yaagha Yobu enkabi mu kiseera eky'obulamu bwe eky'oluvainhuma, okusingaku ni mu kyasooka. Yobu yaaba n'entaama omutwalo mulala n'enkumi ina, n'engamiya kakaaga, n'ente edhirima lukumi, n'endogoyi enkazi lukumi.

Ensambo 10:22

Enkabi dha Musengwa Katonda n'edhireeta obukombe, okukola einho ghazira kye kwongera ku bukombe bwo.

Yeremia 49:28

Bino Musengwa Katonda bye yakoba ku kika kya Kedari ni ku biketezo ebifugibwa Hazori, kyabazinga Nebukadinezzari ow'e Babilonia bye yaghangula. Yakoba ati: “Muje mulumbe abantu ba Kedari, muzikirize ekika ekyo eky'abantu ab'e buvandhuba.

Okubala 23:7

Agho Balaamu yaayogera ebibono eby'obulanzi bino, ati: “Balaki kyabazinga wa Moabu yandheta okuva mu Aramu, mu nsozi edh'omu buvandhuba: Yankoba ati, ‘Idha onkolimirire aba Yakobo idha ovumirire Abaisiraeli abo.’

Abalamuzi 6:3

kuba Abaisiraeli buli lwe baamalanga okusiga, olwo nga Abamidia, n'Abamaleki, n'abatyamye ab'omu buvandhuba, beeyimba okwidha okubalumba.

Abalamuzi 6:5

Baidhanga n'ente dhaibwe, n'egamiya dhaibwe, n'eweema dhaibwe, nga bangi ng'oti nzige. Beene ghalala n'engamiya dhaibwe nga tibabalika olw'obungi. Agho baaja nga bazikiriza ensi eyo buli ghe baabitanga.

Abalamuzi 7:12

Abamidia, n'Abamaleki, n'abatyamye b'e buvandhuba, baali nga bamaze okwidhula woonawoona mu kiiko. Nga bali kamaala ng'oti nzige, era nga engamiya dhe bali nadho tidhibalika ng'oti n'omusenho ku bukalu bw'enhandha.

Abalamuzi 8:10

Zeba ni Zalumunna baali nga bali mu Karikori n'eigye lyaibwe. Ku igye eryo lyonalyona ery'abantu ab'e buvandhuba, kwali nga kukaasigaireku abalwani omutwalo mulala n'enkumi itaanu (15,000). Abalwani emitwalo ikumi n'ebiri (120,000) baali nga bamaze okwitibwa.

1 Samueli 25:2

Yaabaayo omusaadha e Maoni, eyakoleranga emirimo gye mu Karumeli. Yali mukombe inho, ng'ali n'entaama enkumi isatu (3,000) n'embuzi lukumi (1,000). Mu kiseera ekyo yaliyo e Karumeli, ng'ali kusala ku ntaama dhe obuviiri.

1 Samueli 27:9

Daudi yaalumbanga ekiketezo ekyo, yaalobanga kulekagho musaadha waire omukazi nga mulamu. Era yaanhaganga entaama, n'ente, n'endogoyi, n'engamiya, n'ebivaalo, memale yairangayo ye Akishi.